Friday, April 30, 2010

ဘိန်းဖျက်ခရီး (အပိုင်း-၃)

တစ်ညတာတည်းခိုတဲ့ ရွာကနေခွာခဲ့ကြပြီ။ မြေပုံပေါ်က လမ်းကြောင်း(မိမိသွားရှင်းရမယ့် ဂွင်)အတိုင်း ဆက်လက် ခရီးနှင်ခဲ့ကြတယ်။ တောင်ယာအဟောင်းတောင်ကုန်းကို တစ်နာရီနီးနီးလောက်တက်ပြီး ကုန်းထိပ်ရောက်တာနဲ့ တစ်ဖက်ဆင်ခြေလျှောစောင်းမှာ စိမ်းလန်းစိုပြေနေတဲ့ ဧရာမဘိန်းခင်းကြီးက စတင် ဆီးကြိုလိုက်ပါတယ်။ အပင်အမြင့်ကမြေကြီးကနေ တစ်ထွာသာသာပဲရှိပါတယ်။ အရွက်ကတော့ ဆလက်/ မုံညင်းတို့အနွယ်ဝင်တာနဲ့အညီ ရှည်မျောမျောလေးတွေပုံစံမျိုးပါ။ မြေစာရင်းအဖွဲ့ကိုအနားခေါ်ပြီး ဧရိယာခန့်မှန်း (ဧက)တွက်ချက်၊ အပင်အရွယ်အစားသတ်မှတ်ပြီးတာနဲ့ ထုံးစံအတိုင်း ရေဒီယိုစက်ကြီးကနေ လင်းယုံ မှ ပျံလွှား အသံ ၅ ကြားလားတွေဘာတွေ လုပ်မနေတော့ပါဘဲ အတိုဝှက် အမည်ဝှက်တွေနဲ့ မိမိတို့ကို ကွပ်ကဲထိန်းချုပ်ရာ စစ်ဗျူဟာကို သတင်းပို့လိုက်ပါတယ်။ ကောင်းပြီ ဆက်လုပ်ပါ ဆိုတဲ့အသံဆုံးတာနဲ့ ကဲ အဖွဲ့တွေအားလုံး တပ်က (၁)ဦး၊ ရဲက(၁)ဦးသေနက်အသင့်နဲ့ ကင်းသမား(၂)ယောက်မှလွဲလို့ ကျန်လူအားလုံး စလိုက်ကြစို့ သူငယ်ချင်း ဆိုပြီး လက်ထဲမှာသစ်ကိုင်းရိုးတံ ကိုယ်စီကိုင် ရင်ဘောင်တန်းယှဉ်လျက်ဘိန်းပင်ပေါက် တို့ကို လက်နဲ့လွှဲ ရိုက်ရမ်းရင်း ဘိန်းဖျက်စစ်ဆင်းရေးစတင် ဖွင့်လှစ်ကြရပါတော့တယ်။ ကင်းသမားကမထားလို့မရပါဘူး။ တော်ကြာဘိန်းခင်းပိုင်ရှင်က လူစုပြီးဓါးနဲ့ဝင်ခုတ်မှ အကုန်ပြသနာတက်ရမယ့်ကိန်း ဆိုက်မှာကိုး။ တောင်ပေါ် ဒေသ အခါလားဟူ လူမျိုးအများစုက ရိုးသားကြပေမယ့် သူတို့ဥစ္စာထိရင် ပြောရတာမျိုးမှမဟုတ်တာ။

ဒီလိုမျိုးဘိန်းစိုက်ပြီးစီးပွားရှာတယ်ဆိုတာ တစ်မျိုးသားလုံးကို အညွန့်တုန်းစေတဲ့အပြင် တိုင်းပြည်သိက္ခာပါ ထိခိုက်ကြဆင်းစေတယ်ဆိုတာ သူတို့တွေမှ မသိကြရှာလေတော့လည်း ပြောရအခက်သား။ အခုလို ဘိန်းခင်း ဆိုတာမျိုးကလည်း ကြာလေ လူနေရပ်ရွာနဲ့ဝေးလေ ခေါင်းဖျားတဲ့ လူမရောက်တောင်ကုန်းတွေမှာ ရွှေ့ရွှေ့ စိုက်ကြတာမျိုးပါ။ တော်တော်များများရွာတွေကတော့ ဗျူဟာမှူးရဲ့ကြီးကြပ်ညွှန်ကြားမှု၊ မြို့နယ်၊ကျေးရွာ အဆင့် တာဝန်ရှိအဖွဲ့ အစည်းတွေရဲ့စည်းရုံးဆောင်ရွက်မှု၊ ရပ်ရွာလူထု ပူးပေါင်းပါဝင်မှုတွေ အောင်မြင်လာတာနဲ့အမျှ နီးစပ်ဝန်းကျင်မြင်မြင်နိုင်သမျှမှာတော့ ဘိန်းခင်းတောင်ယာ မရှိသလောက်ကိုဖြစ်သွားခဲ့ပြီလေ။ အဲဒီအတွက် ကြောင့်လည်း မိမိတို့လိုပူးပေါင်းစစ်ကြောင်းတွေကို အထက်ဌာနက ဆွဲပေးတဲ့ လမ်းကြောင်းဒေသတွေကို သွားရောက်ရှာဖွေ ဖျက်ဆီးမှုတွေ လုပ်လာကြရပါတော့တယ်။ သစ်ကိုင်း(တုတ်ချောင်း)ကိုင်ပြီး တစ်နာရီနီးနီး မနားတမ်း ရမ်းလာလိုက်တာ လက်တွေကျိန်းစပ် ချွေးစို့လာတော့မှ ခဏအမောဖြေ ရေလေးဘာလေးသောက်၊ ပြီးတာနက် ပြန်စ၊ ဒီလိုနဲ့ နေ့လည်စာစားချိန်ရောက်ခါနီးမှ တောင်ကုန်းစောင်းဆင်ခြေလျှောတစ်လျှောက်က ဘိန်းခင်းကြီးလည်း ငုတ်တိုစင်းလေးတွေအဖြစ်အသွင်ပြောင်းသွားပါတော့တယ်။ အားလုံး တန်းဖြုတ်မယ် လက်စသက်ပါ ဆိုပြီး ထမင်းစားဖို့ပြင်ကြတာပေါ့။ မောမောနဲ့ ထမင်းတစ်ပန်းကန် မနည်း ကုန်အောင်စားပြီး အထက်ဌာနကို သတင်းပို့ ဆက်သွယ်မှုယူပြီး ဆက်လက်ခရီးချီတက်ကြပါတယ်။

ဒီတစ်ခါ ဘိန်းခင်းကတော့ တောင်ကြားလျှိုလေးအတိုင်းစိုက်ထားတာပါ။ အပင်အမြင့်က တစ်ပေကျော် နှစ်ပေ နီးနီး တစ်ချို့က အပွင့် ဝါဖန့်ဖန့်၊ တစ်ချို့က ခရမ်းရောင်လေးတွေအဖြစ်ကို ပွင့်နေကြပါပြီ။ ဒီတစ်ခါ ဖျက်ရတာက သိပ်မပင်ပန်းပါဘူး။ အပင်ရဲ့ ခါးလည်ကနေ ရိုက်ချလိုက် ခါးကိုင်းရိုးကျိုးသွားတာနဲ့ ကိစ္စပျက်ပါတယ်။ ဒီကောင် အရွယ်ဆို သိပ်မကြာဘူး အသီးသီးတော့မှာ ဗိုလ်ကြီးရ ဆိုပြီး သိတဲ့သူတွေက ရှင်းပြပါတယ်။ လက်တွေကတော့ ကျိန်းစပ်ပြီး တုတ်ချောင်းကိုင်ထားရာကနေ ဆုပ်ထားတဲ့လက်ကို မဖြေချင်တော့သလို ဖြန့်ထားပြီးသားလက် ကိုလည်း ပြန်မကွေးချင် ဆုပ်မကိုင်ချင်လောက်အောင်ကို ကျိန်းစပ်နာကျင်စပြုလာကြပါတယ်။ ထမင်းဟင်းချက် တာဝန်ယူထားသူတစ်ချို့ကတော့ ဘိန်းလည်းရမ်းရင်း ရောပြီးစိုက်ထားတဲ့ ပဲရွက် ဟင်းသီးဟင်းရွက်လေးလည်း ခူးရင်းအဆင်ပြေနေကြပါတယ်။ အားလုံး ကျိုးကျပြီဆိုမှ ခဏနားပြီး ခရီးဆက်ထွက်ကြပါတယ်။ သိပ်မလျှောက် လိုက်ရပါဘူး ထုံးစံအတိုင်း တောင်ပေါ်ရွာလေးတစ်ရွာကို ဆိုက်ကြပါတယ်။ မိမိနဲ့ ဒုရဲအုပ်ကတော့ ရောက်တာနဲ့ ရေချိုးဖို့ပြင်တာပေါ့။ တောင်ကျစိမ့်ရေကို ဝါးလုံးလေးနဲ့ ထိုးခံထားတဲ့ရေဆိပ်မှာ ရေချိုးရတာ ဒီနေ့အထိကို မမေ့နိုင်စရာပါ။ ဖြုတ်ကလည်းကိုက် ရေချိုးရတာလည်း ချမ်းစိမ့်နေတာပါပဲ။ မြန်မြန်ချိုး မြန်မြန်ပြန်လာ။ ရောက်တာနဲ့ တောင်ပေါ်လက်ဖက်ခြောက်နံ့သင်းနေတဲ့ ရေနွေးကြမ်းလေးသောက်ချလိုက်ရတာ တကယ့်ကို သဘာဝအရသာစစ်စစ်လေးပါ။

ထမင်းစားတော့ မိမိနဲ့အတူ၊ဒုရဲအုပ်၊မြေစာရင်း တို့ စုစားကြပါတယ်။ ထမင်းဟင်းလေးက ပူပူနွေးနွေး ဘိန်းခင်း ထဲက ပဲရွက်ဟင်းချို အသီးရွက်ကြော်က စားလို့အကောင်းဆုံး။ ဒါကလည်း ထုံးစံပါ။ ဘိန်းပင်နဲ့အတူ ရောပြီး စိုက်ထားတဲ့ ဟင်းသီးဟင်းရွက်အပင်မှန်သမျှရဲ့ အခါးဓါတ်ကို ဘိန်းပင်က စုပ်ယူတဲ့အတွက် သူတို့က အချိုဓါတ် များပြီး အရည်ဓါတ်ရွှန်းစိုနေခြင်းပါ.... (အရင်က ပို့စ်တစ်ခုမှာဖော်ပြခဲ့ဖူးပါတယ်)။ ထမင်းစားပြီး ရေနွေးကြမ်း ဝိုင်းဖွဲ့ကြတော့ မီးဖိုဘေးမှာပေါ့။ သူ့အတွေ့အကြုံကိုယ့်အတွေ့အကြုံတွေဖလှယ်ကြ ရှေးဟောင်းနှောင်းဖြစ်တွေ ပြန်ပြောကြနဲ့။ တစ်ဖက်ကလည်း ဒီနေ့ကင်းတွေ အထူးသတိရှိဖို့ စီစဉ်ရပါတယ်။ တော်ကြာ ဘိန်းခင်းဖျက်တာ မကျေနပ်တဲ့သူက အိပ်ပျော်နေတုန်း သမသွားရင် ကွိကုန်မှာကိုး။ စိတ်မချ တချနဲ့ အိပ်ယာသာဝင်ခဲ့တယ်။ ခေါင်းအုံးနဲ့ခေါင်းထိတာနဲ့ တုန်းကနဲအိပ်ပျော်သွားပါတယ်။ ညဥ့်နက် သန်းခေါင် အဝေးဆီက တောကောင် အော်သံတွေကြားရတော့မှ ပြန်နိုးလာမိတယ်။ ကင်းသမားကို တစ်ချက် သတိထားကြည့်တော့ အင်း ...အိုကေ အဝင်ဝမှာ တစ်ယောက် အပြင်က ကင်းတဲလေးမှာ တစ်ယောက် လှုပ်ရှားနေတာတွေ့ရတယ်။ ဒီလိုနဲ့ နောက်နေ့ မိုးစင်စင်လင်း မျက်နှာသစ်မှာ လက်တွေ နာကျင်နေတာနဲ့ ကြည့်လိုက်တော့ အားလားလား လက်ဖဝါးတွေမှာ အရည်ကြည်ဖုလေးတွေပါလား။ ငါ ဒီလောက်တောင် ပျော့ရသလား ဆိုပြီး ကိုယ့်ကိုယ်ကို မကျေမနပ်ဖြစ်မိတာနဲ့ ကျန်အဖွဲ့တွေကို တီးခေါက်မေးမြန်းကြည့်မိတော့ ဟုတ်တယ် ဗိုလ်ကြီး ကျွန်တော်တို့လက်တွေတော့ ဖုလေးတွေ ထနေပြီ ဆိုမှ ............. ဟူး တော်ပါသေးရဲ့ ငါတစ်ယောက်ထဲမဟုတ်ဘူးပဲ။ လို့ ။

@@@နေလွမ်းသူ
Friday, April 23, 2010

ဘိန်းဖျက်ခရီး (အပိုင်း - ၂ )

စစ်ကြောင်းငယ်(၂)ခု ဗျူဟာကုန်းကနေ စပြီးခွာကြတော့မယ်ဆိုတာနဲ့ လိုအပ်ရင် ဆက်သွယ်လို့ရအောင် Icom(လမ်းလျှောက်စကားပြောစက်) channel ညှိ၊ အမည်ဝှက် ဖလှယ်ကြပြီး သူငယ်ချင်းရေ ဂွဒ်လခ် ပါကွာ ဆိုတဲ့ စကားနဲ့အတူ စစ်ကြောင်းငယ်(၂)ခု (ဌာနဆိုင်ရာပေါင်းစုံ) ကျောချင်းခိုင်းခဲ့ကြပါတယ်။ မြို့နဲ့တဖြည်းဖြည်း ဝေးလာခဲ့တာနဲ့ သီးနှံစိုက်ခင်းတွေကိုဖြတ်လို့ မြေပုံပေါ်မှာတင်ထားတဲ့ လမ်းကြောင်းအတိုင်း မြောက်ဘက် စူးစူး ဆီသို့ ဖြတ်တက်ကြရပြီ။ မှုံပြပြတောင်ကုန်းကလည်း ခါးလည်ကိုရောက်တာနဲ့ ထင်ရှားသွားပြီ။ ဟိုးအဝေးက မိုင်းခတ်မြို့လေးကတော့ မှုံရီပြီး ကျန်ခဲ့တယ်။ ချွေးလည်းစို့ ရေလည်းဆာ။ မိမိ စစ်သည်တွေနဲ့ ပြည်သူ့ရဲတပ်ဖွဲ့ဝင်တစ်ချို့က တောင်ထိပ်ရောက်သည့်တိုင် ပုံမပြက် လျှောက်နိုင်ကြပေမယ့် အရပ်သား ဝန်ထမ်းများမှာတော့ ပြက်ပြက်ပြီးကျန်ခဲ့ကြလေတော့ စောင့်စောင့်ခေါ်ရတာပေါ့လေ။ လမ်းကြောင်းအတိုင်း တစ်နေကုန် ဘိန်းခင်းတောင်ယာ မတွေ့မချင်းခရီးဆက်ရမယ်ဆိုတော့လည်း တဖြည်းဖြည်းချင်း နားလိုက် ခရီးဆက်လိုက်နဲ့ ညနေစောင်းခါနီးမှာပဲ တောင်ပေါ် အခါရွာကြီးတစ်ရွာကိုရောက်ရှိ စခန်းချကြပါတယ်။

ဒီနေရာမှာ တစ်ခုကောင်းတာက ကျွန်တော်က ခေါင်းဆောင်ဆိုပေမယ့် လမ်းကြောင်း၊လုံခြုံရေး တို့လောက်ပဲ ခေါင်းစားရတာပါ။ ရွာရောက်တာနဲ့ မယက အဖွဲ့ဝင်နဲ့ ပြည်သူ့ရဲ က တစ်ယောက်တို့ ပါတာနဲ့ ရွာ လူသူကြီး ဆယ်အိမ်မှူးတွေ ဘာတွေက နေရာတွေချပေး ဟင်းစားတွေပါ စီစဉ်ပေးကြပါတယ်။ အုပ်ချုပ်မှု စားသောက် ပြီးတာနဲ့ ရေနွေးကြမ်းဝိုင်းဖွဲ့ရင်း စကားစမြည်ပြောဖြစ်ကြပါတယ်။ မြန်မာစကားကို မနည်းအားစိုက်ပြောနေ ရတဲ့ လေသံကိုက နားထောင်ရတာ တစ်မျိုးဖြစ်နေပါတယ်။ မယကအနေနဲ့လည်းရွာ လူကြီးတွေ ခေါင်းဆောင် ကိုယ်စားလှယ်တွေကို မိုင်းခတ်မြို့မှာခေါ်ပြီး ဘိန်းမစိုက်ဖို့၊ ပညာပေးဟောပြောပွဲတွေလုပ်၊ အစားထိုးသီးနှံ ပေးအပ်ပွဲ၊ ဝန်ခံလက်မှတ်ရေးထိုးပွဲတွေ လုပ်ထားခဲ့ပြီးဖြစ်ကြောင်း မိမိတို့ ရွာအနေနဲ့ ဘိန်းမစိုက်တာ နှစ်တွေ အတော်ပင်ကြာခဲ့ပြီဖြစ်ကြောင်းပြောပြကြပါတယ်။ ရေနွေးကြမ်းကတော့ အတော့်ကို အနံ့အရသာကောင်း လှပါတယ်။ အမြည်းကတော့ တောင်ပေါ်ဖြစ်တဲ့အတိုင်း အသားခြောက် မီးကင်က ၂ မျိုးလောက်ပါပါတယ်။ အခါရွာအားလုံးက ခြေတံရှည်အိမ်မြင့်တွေပါ။ အမျိုးသမီးတွေက ခေါင်းတွေမှာ ငွေခွက်ငွေပြားတွေနဲ့ တန်ဆာ ဆင်ထားတဲ့ ခေါင်းဆောင်းတွေဆောင်းထားကြပါတယ်။

မိမိအတွက်စိတ်ညစ်စရာက အိမ်အပေါ်ထပ်မှာပါ ခွေးတွေကို နေရာပေးထားခြင်းပါ။ (ခွေးသားကတော့ သူတို့ အတွက် စပါယ်ရှယ်သားပါတဲ့....တရုတ်တွေဝက်သားကို အလေးထားစားသလိုပေါ့)။ ညအိပ်ယာဝင်ဖို့အတွက် မိမိကို စောင်တွေ၊ခေါင်းအုံးတွေ ထုတ်ပေးလာတော့ တအံ့တသြဖြစ်ရပါတယ်။ မိမိတပည့်တွေမေးကြည့်တော့ ဟုတ်တယ် ဗိုလ်ကြီး၊ အရာရှိဆို ဒီလိုပဲ လုပ်ပေးတာ ထုံးစံပဲ...တဲ့။ စောင်ကြီးတွေက လှလိုက်တာ အနီရောင် မွှေးပွ ဂွင်းစောင်ကြီးတွေနဲ့၊ ခေါင်းအုံးလှလှကြီးတွေ...ဒီလိုမျိုး နေရာမှာ ဒီလောက်လှပတဲ့အသုံးအဆောင်တွေ တွေ့လိုက်ရတာကို အထူးအဆန်းဖြစ်နေတဲ့ မိမိကို တပည့်က ဝင်ရှင်းပြပေးလာပါတယ်။ ဒါတွေကို သူတို့က တရုတ်ဈေး( ဝ နယ်မြေဈေး) ထဲမှာ သွားဝယ်ထားကြတာ။ ဒါမျိုးက အိမ်ကိုလာတဲ့ အထူးဧည့်သည်တွေဖို့ သီးသန့်ကို သိမ်းထားကြပါတယ်....တဲ့။ အင်းပေါ့လေ မိမိအတွက်တော့ နေ့ခင်းတစ်နေကုန်လျှောက်လာခဲ့ရတဲ့ ပင်ပန်းမှုတွေက တစ်ခါမှတောင်ထင်မှတ်မထားစွာ ဒီလိုတောင်ပေါ် ရွာခေါင်ခေါင်မှာ အိစက်ညက်ညောတဲ့ အိပ်ယာမှာ အိပ်ပစ်လိုက်ရလို့လားမသိဘူး အိပ်မက်တောင် မမက်ပဲ တစ်ကျိုးတည်း အိပ်ပျော်သွားပါတယ်။

@@@နေလွမ်းသူ
Saturday, March 6, 2010

ဘိန်းဖျက်ခရီး (အပိုင်း-၁)

မိုင်းခတ် ခလရ(---)မှာ တပ်ရေးဗိုလ်ကြီးအဖြစ် တာဝန်ထမ်းဆောင်နေတဲ့ကာလ၊ ဒီဇင်ဘာနဲ့ ဇန်နဝါရီ ဆောင်းတွင်းတစ်ခုမှာပေါ့။ တပ်ရင်းတစ်ရင်းလုံးက နယ်မြေဒေသ လုံခြုံရေးအဖြစ် ရှေ့တန်းထွက်နေချိန်ဆိုတော့ တိတ်ဆိတ်သယောင်ယောင်နဲ့။ ရုံးခန်းထဲမှာ ကြည့်စရာရှုစရာ အထက်ဌာန အဝင်ကြေးနန်းတွေ၊ ရှေ့တန်းက တပ်ရင်းမှူးရဲ့ ညွှန်ကြားချက်တွေ မှတ်တမ်း အဖြစ်ဖိုင်တွဲတာတွဲ၊ ဖတ်တန်တာဖက်၊ လက်မှတ်ထိုးစရာရှိတာထိုးနဲ့ (အဲဒီအချိန်ကာလက တပ်မှာ အော်တိုတယ်လီဖုန်း မရှိသေးတာ တစ်နည်းတော့ နားအေးသလိုလိုပဲ ..) ငြိမ်နေတဲ့ ရုံးခန်းကို ဆူညံညံ ဆိုင်ကယ်သံနဲ့ မီးခိုးတွေလွင့်ကျန်ပြီး ဌာနချုပ်တပ်ခွဲမှူး ဗိုလ်မှူးသက်ထွန်း ဆင်ဝင်အောက်အရောက် ဆိုင်ကယ်ပေါ်ကတောင် မဆင်းရသေးဘူး ကဲ ညီလေးကိုနန္ဒအောင် လစာကြပ်တွေခေါ်ကွာ တပ်ခွဲတစ်ခွဲစာ မင်းဦးစီးပြီး လူရအောင်ထုတ်မယ် ဆိုတဲ့ အသံက ဖြိုခွဲ ရောက်လာတယ်။ အေးဆေးပါဗိုလ်မှူးရာ လမ်းကင်းလုပ်ပေးဖို့မဟုတ်လား။ လစာကြပ်တွေ မလိုပါဘူး ကျွန်တော်ဟာကျွန်တော် ထုတ်သွားလိုက်မယ် ဘယ်တော့လဲ အချိန်နဲ့ ၂ခု ကိုသာ ပြောပါ (စထွက်ရမယ့်အချိန်နဲ့ ဘယ်အချိန်မှာ လူကြီးယာဉ်တန်း/တပ်မတော်စစ်ကြောင်း/ အရေးကြီးယာဉ်တန်းဖြတ်မယ်ဆိုတဲ့ ၂ ချိန်) ဆိုတော့ ဘယ်ကလာ ဒီလောက်လွယ်တာလေး အခုလိုပြောနေမလားဟ ငါ့ညီရ။ အခုဟာက ဘိန်းဖျက်ဟေ့ ဘိန်းခင်းဖျက် ထွက်ရမှာဟ…..။


ဗျာ …. ဘိန်းဖျက်ထွက်ရမယ် ဟုတ်လား ဆိုတော့ အေးဟုတ်တယ် ဗျူဟာအစည်းအဝေးက အခုပဲပြန်လာတာ။ ညနေကျရင် တိုင်းကိုတင်ထားတဲ့ ကြေးနန်း တပ်တွေကို မိတ္တူပေးထားတာ ရောက်လာလိမ့်မယ်။ အဲဒီမှာ ရက်အလိုက် ပါပြီးသား။ ဟာ ဗိုလ်မှူးရယ် တပ်ရေးဗိုလ်ကြီးလေ တပ်ကနေတစ်ဖဝါးမှ ခွာလို့မရတဲ့ဟာ (ဈေးဆစ်တာ ဈေးဆစ်တာ)။ ဆရာ ကျုပ်လွှတ်တာ မဟုတ်ဘူးနော်။ ကျုပ်ဟာကျုပ်ဆို အဲလို တစ်ပါတ်မပြောနဲ့ မင်းကို တစ်ခဏတောင် မျက်စိ အောက်က အပျောက်မခံချင်တာ (သူပြောတာဖြစ်နိုင်တယ် ကျွန်တော့်ကို မိုင်းခတ်မြို့ထဲ ခဏ ဆင်းရင်တောင် သူက လိုက်လိုက်လာတယ်။ သူလည်း အိမ်မကပ်ချင်လို့ဖြစ်မှာပေါ့) ဟိုဘက် တပ်က မင်းအပါတ်စဉ်က တပ်ရေးဗိုလ်ကြီးလည်း မင်းနဲ့တစ်ရက်ထဲ ထွက်ရမယ် လမ်းကြောင်း တွေတော့ မတူဘူးပေါ့…တဲ့။ သြော် တယ်ဟုတ်ပါလား။ တစ်ပါတ်စဉ်ထဲ တပ်ရေးဗိုလ်ကြီးတွေ အရှုပ်ထုတ်တွေကြားကနေ ခဏ နားအေးပါးအေး သွားရဦးတော့မှာပေါ့နော်… ဆိုတော့ သူက အေးပါ နားအေးမလား နားမအေးလား တောင်ပေါ် ဘိန်းခင်းတွေတွေ့မှ မင်းသိမယ်ဆရာ..တဲ့ ဆေးတပ်သားနဲ့ စက်သမားပါ ခေါ်သွား။ ကိုယ် ရှေ့တန်း အဘနဲ့ အဆက်သွယ်ယူတာကို ဗျူဟာကစက်နဲ့ပဲ ဖြစ်အောင်လုပ်လိုက်မယ်။ ညီလေးအဆင်ပြေအောင်သာ အရင်လုပ်သွား.. မနက်ဖြန် ဗျူဟာကုန်းမှာ ၀၇၀၀ နာရီ အရောက် မင်းတို့ တပ်ခွဲ ၂ ခု ဗျူဟာမှူးကို တန်းအပ် နိုင်အောင်လုပ်ပေတော့………… တဲ့။


စစ်ဗျူဟာအခြေချအဖွဲ့(မိုင်းခတ်)

ဗျူဟာကုန်းပေါ်ကိုရောက်တာနဲ့ ဗျူဟာ G-2 ကို သတင်းပို့လိုက်တယ်။ သိပ်မကြာဘူး တစ်ဖက် တပ် ခမရ(---)က မိမိနဲ့ တစ်ပါတ်စဉ်ထဲ တပ်ရေးဗိုလ်ကြီး (event တူတွေပေါ့) နဲ့သူ့တပ်ခွဲလည်း ရောက်လာတယ်။ သူလည်း သတင်းသွားပို့ပြီး ပြန်လာတာနဲ့ မကြားဖူးဘူး ဟကောင်ရေ မင်းတို့မိုင်းခတ်ရောက်မှပဲ တပ်ရေးဗိုလ်ကြီးတောင် တပ်မှာ အေးအေး မနေရပါလားဟတဲ့။ သူက မိမိကို ပြောလာတယ်။ အောင်မယ် ဘာမင်းတို့ မိုင်းခတ်လည်း ငါ့မိုင်းခတ်မဟုတ်ဘူးကွ ငါလည်း ဒါကို အံ့သြနေတာ။ နေခဲ့ဖူးတဲ့တပ် ကြုံခဲ့ဖူးတဲ့ တပ်တွေမှာ တပ်ရေးဗိုလ်ကြီး တစ်နာရီလောက် ဘဏ်သွားတာ မြို့ထဲသွားတာလောက်တောင် တပ်မှာ သူ့အလုပ်တွေ သူ့ကို စောင့်နေတဲ့ကိစ္စတွေက ပုံထပ်လို့။ အခုလိုတစ်ပါတ် ဆယ်ရက်များတော့ ကြားအောင် ကြားဖူးဘူးဟ လို့ ပြောဖြစ်ကြတယ်။ ဒါလည်းဟုတ်တော့ ဟုတ်ပါတယ်။ နေမြေဒေသ စစ်ဆင်ရေးနယ်မြေအပေါ် မူတည်ပြီးကွဲပြားသွားကြတာမျိုးပါ။ တစ်ပါတ် ဖြစ်ဖြစ်တစ်လဖြစ်ဖြစ် မင်းကမိန်းမရှိတဲ့ကောင် မင်းတို့အိမ်ထောင်သည် ဆိုတာမျိုးက ဘာမှ ပူစရာမလိုပါဘူးကွာ။ နောက်က မိန်းမတွေကနေ အကုန်ထည့်ပေးစီစဉ်ပေး လိုက်ကြ တာပါ။အိမ်သာသုံးစက္ကူကအစလေ။ ငါတို့လူပျိုတွေသာ ထမင်းချိုင့်တွေပန်းကန်တွေ ဘယ်က သွားဆွဲလို့ ဆွဲရမှန်းမသိ၊ ဆိုတော့ တော်ပါကွာ မင်းကလည်း ငါလည်း လူပျိုဘဝကလာတာပါ။ မင်းတို့ လူပျို ဘာပူပင်စရာရှိလို့လဲ ဘယ်ရောက်ရောက် ဘယ်ပေါက်ပေါက်။ တပ်ပြန်လာ စားစရာရိပ်သာရှိတယ်။ ရိပ်သာမှာ စားစရာမကျန် အိမ်ထောင်သည် စီနီယာကြီးတွေအိမ်ပြေး ချွဲပြလိုက် စားစရာတွေကုန်တောင် မကုန်ဘူး တဲ့………….မိမိ ကိုပြန်တွယ်လာပါတော့တယ်။


သိပ်မကြာခင်မှာပဲ ပူးပေါင်းအဖွဲ့တက်လာပြီးသတင်းပို့လာတယ်။ ဒုရဲအုပ်(၂)ယောက်ဦးစီး ရဲတပ်စိတ် နှစ်စိတ်၊ မယကအဖွဲ့ဝင်၊ စိုက်ပျိုးရေး၊ မြေစာရင်း အရပ်ဘက်ဌာနများက (၂)စီ ပူးပေါင်းအဖွဲ့ ကို ရဲတပ်စိတ်အပါဝင် ဌာနဆိုင်ရာတွေပါ မိမိတို့ တပ်ခွဲ(၂)ခွဲမှာ အညီအမျှခွဲပြီး ဝင်တန်းစီစေလိုက်တယ်။ လူစုံပြီဆိုတာနဲ့ စစ်ဗျူဟာမှူး(ယခု သံတောင်ကြီးတိုက်ခိုက်ရေး ဒုတိယကျောင်းအုပ်ကြီး) သြဝါဒပေးပါတယ်။ ဘိန်းခင်းတွေ ဖျက်ဖို့လွှတ်တာဟာ နိုင်ငံတော် စီမံကိန်းတစ်ခုအနေနဲ့ လုပ်တာဖြစ်လို့ သေချာလုပ်ဖို့လိုကြောင်း၊ လုံခြုံဘေးကင်းရေး၊ အုပ်ချုပ်မှု ဖြစ်စဉ် မဖြစ်ပွားရေး စသည်ဖြင့်မှာပါတယ်။ ဦးစီးခေါင်းဆောင် တပ်ခွဲမှူး ဗိုလ်ကြီးနှစ်ယောက်လုံး ငါ့အကြောင်းတော့ မင်းတို့ ဗိုလ်လောင်းဘဝကတည်းက သိပြီးသားပဲ (မသိဘဲနေမလား မိမိတို့ ဒုတိယနှစ်နဲ့ နောက်ဆုံးနှစ် ဗိုလ်လောင်း သက်တမ်း(၂)ဆက်တောင် မီခဲ့တဲ့ ဆရာအရင်းခေါက်ခေါက်တွေပဲ။) နောက်ဆုံးစကားကတော့ အေး အဖွဲ့တွေအားလုံး သိထားရမှာက နောက်တစ်ပတ်အတွင်း စစ်ကြောင်းတွေနဲ့ ပြန်မွှေမှာ ဖြစ်တယ်။ သူတို့တွေ ပြန်ဝင်တဲ့အခါမှ မင်းတို့အဖွဲ့တွေ ဖျက်ဆီးပြီးကြောင်း တင်ပြထားတဲ့ နေရာမှာ ဘိန်းခင်းတွေ တွေ့လို့ကတော့ မင်းတို့တွေ နာပြီသာမှတ်တဲ့။ ငါကိုယ်တိုင် အရေးယူမှာ …တဲ့။ အနည်းဆုံးတော့ ဂျေးအောင်းရမယ့်ကိန်းပါ။ ဘာသတင်းပို့စရာရှိလဲ ဆိုပြီး နောက်ဆုံး မရှိပါဘူးနဲ့ ပြီးသွားတာနဲ့ အလေးပြုလိုက်လိုက်ပါတယ်။ တပ်ခွဲကိုယ်စီ သက်သာအနေထားနဲ့ မိမိတို့ ထပ်ပြီး မှာစရာရှိတာ ထပ်မှာရတာပေါ့။ အားလုံးဟာ နိုင်ငံဝန်ထမ်းများ ပူးပေါင်းအဖွဲ့ဖြစ်သလို လုပ်ဖော်ကိုင်ဖက်တွေအဖြစ်၊ ရဲဘော်ရဲဘက်အဖြစ် သဘောထားပြီး မိမိတို့အပေါ် တိုက်ရိုက် ကျရောက်လာတဲ့ အခု အမျိုးသားရေးတာဝန်ကို ညီကိုတွေလို တက်ညီလက်ညီ ပူးပေါင်းပြီး အောင်အောင်မြင်မြင်ဆောင်ရွက်သွားကြဖို့ လိုကြောင်း ဘာညာ စသည်ဖြင့် စသည်ဖြင့်ပေါ့လေ…….။


(ဆက်လက်ဖော်ပြပါမည်) @@@နေလွမ်းသူ

Friday, February 26, 2010

မိုးရေစိုစိုအောက်မှ အချို့သောနေ့ရက်များ


နေ့လည်ထမင်းစားပြီးချိန်လောက်ကတည်းက မနားတမ်း လျှောက်လာခဲ့ကြတာ အင်္ကျီကျောပြင် တစ်ခုလုံးနဲ့ ထိကပ် နေတဲ့ကျောပိုးအိပ် နေရာလည်း ချွဲတို့နဲ့ ရွှဲရွှဲနစ်လို့နေပြီ။ မျက်နှာနေရာအနှံ့ကနေ မကြာခဏ စီးကျလာတဲ့ ချွေးစက် အချို့လည်း အပေါ်က နေပူဒဏ်ကြောင့်ခြောက်သွေ့စပြု ရာကနေ အဖြူ ဖက်ဖက်ဆားပွေးစအချို့အဖြစ် အသွင် ကူးပြောင်းလို့။ အရာရှိ၊ စစ်သည် အားလုံးရဲ့စိတ်ထဲမှာ စစ်ကြောင်းမှူး ဆီကနေဒီနေ့ဒီနေရာမှာပဲ စခန်းချရပ်နား တော့မယ်ဟေ့ ဆိုတဲ့ အမိန့်စကားသံကို ကျိတ်ပြီး မျှော်လင့်လို့နေကြပြီ။ မမျှော်ဘဲရှိမလား....ဆက်လျှောက်လည်း ရည်မှန်းချက် စခန်းကို တစ်နေ့ထဲ ရောက်သွားမှာမှ မဟုတ်။ စခန်းချ ရပ်နားတာနဲ့ ဒီတိုင်း ပလက်စတစ်မြေခင်းစခင်း တန်းပြီးအိပ်လို့ရတဲ့ ရာသီဥတုမှ မဟုတ်ပဲကိုး။ တောကြီးတောင်ကြီး ဒီလမ်းဒီခရီး ကရင်ပြည်နယ်တောထဲ မိုးတွင်းကာလက အစိုးရသည် မဟုတ်။ ရာသီဥတုတင် အစိုးမရသည်မဟုတ်။ ရန်သူ.... ဟုတ်တယ်။ သူက အဓိက ကျန်တာက သာမည။ လေးလံနေတဲ့ ကျောပိုးအိပ်ကို မကြခဏ ပြန်ဆွဲတင်နေရ သလို တောင်ကမ်းပါးယံ ဖြတ်တဲ့အခါ၊ ဘေးမှာ ချောက်ကမ်းပါးယံထားပြီးဖြတ်တဲ့အခါ ဆွဲမိုင်းသတိထားရသလို ဘယ်နေရာက ပေါ်လာမလဲဆိုတဲ့ မပြက်သတိနဲ့ သေနက်ကို အသင့်အနေအထားနဲ့ မသင်္ကာတဲ့နေရာဆို ခဏတာတန့်ပြီး ရှေ့ကနေ လက်ဆင့်ကမ်းလာတဲ့ သင်္ကေတစကားကို အာရုံစိုက်နားထောင် စက်ဖွင့်လို့ တပည့်တွေကို တဆင့်ပြန်ပြောရနဲ့။ လူတစ်ကိုယ်လုံးက သယ်ဆောင်ထားရတဲ့အလေးအပင်၊ စက္ကန့်မလပ် အသက်ရှူသွင်းမှုတိုင်းနဲ့အတူ ထပ်တူချ ထားရတဲ့ သတိ။ နားမယ်ဟေ့ ဆိုတဲ့အသံကြားရင်တောင် ဟူး ကနဲ လေပြင်းရှိုက်ထုတ်ဖို့တောင် ချက်ချင်း မလုပ်ရဲတဲ့ ဒီခရီးဒီလမ်း ဒီရှေ့တန်း................။

တစ်နေရာမှာ တဝေါဝေါနဲ့ အရှိန်ပြင်းဖြတ်စီးနေတဲ့ တောင်ကျချောင်းကို ပေါင်လုံးသာသာခန့် ဝါးလုံးကြီးကြီး ဖြတ်ထိုးထားပြီး လက်ကိုင်တန်း တစ်တန်းအပေါ်မှာပြေးထားတဲ့ တံတားလိုဟာကနေဖြတ်ကူးရတော့ ရင်တမမနဲ့ ကိုယ့်အတွက်မဟုတ်ပေလင့်ကစား ဗုံးသီးနဲ့မော်တာကိုထမ်းထားတဲ့ စစ်သည်အချို့ဖြတ်ကူးတိုင်း စိတ်က တထင့်ထင့်နဲ့။ ဝုံးကနဲအသံကြားလို့ ကြည့်လိုက် ရဲဘော်လေးတစ်ယောက် ခြေချော်သွားပြီ။ ကင်းတွေကို ဘေး ဘယ်ညာ ထပ်ပြီး စက်ဝိုင်းပုံထပ်ချဲ့ခိုင်းပြီး သူ့ကိုသွားဆွဲတင်ပေးဖို့ စစ်သည် ၂ယောက်ကို တစ်ဖက်တစ်ချက်စီကနေ သူရှိနေတဲ့ တံတားအလည်ကို ဝန်စည်စလွယ်တွေအကုန် ချွတ်ချပြီး လူအလွတ်နဲ့ သွားခိုင်းရတယ်။ ခြေ ၂ ချောင်းက အောက်မှာတွဲလောင်း ကျောပိုးအိပ်က သူ့ကို ထပ်ပြီး ဆွဲချနေသလို၊ သေနက်ကို မြဲမြဲဆုပ်ပြီး တံတောင်ဆစ်နှစ်ဖက်အားနဲ့ ဝါးလုံးကိုချိတ်ထားရှာတယ်။ ဟိုးအောက်က မရဏ အော်သံနဲ့ တောင်ကျရေတွေက တဝေါဝေါဆူညံလို့.....ပြုတ်ကျသွားတာနဲ့ အစရှာလို့မရအောင် မျောပါ သွားမယ့်ဖြစ်ခြင်း။ တစ်ဖက်တစ်ချက်စီကလာတဲ့ စစ်သည် ၂ ယောက်ရောက်မှ တစ်ယောက်က ကျောပိုးအိပ်ကို ဆွဲတင်၊ တစ်ယောက်ကသူ့လက်အစုံနဲ့ သေနက်ကို တင်းတင်းဆုပ်ပြီးဆွဲထားလို့ ၊ ရင်တမမနဲ့ ဘုရားတပြီး သူ့တို့ကို အဆင်ချောပါစေ မြန်မြန်အပေါ်ရောက်ပါစေလို့ ဆုတောင်းလျက်နဲ့ ဟိုး အောက်က အဖြူရောင် ရေလုံးကြီးတွေနဲ့ လှိမ့်ဆင်းနေတဲ့ ချောင်းချောက်ကြီးကို မရဲတရဲ ငုံ့ကြည့်မိလိုက်တိုင်း ကြက်သီးတောင် ထသွား မိတယ်။ရှေ့တန်းဆိုတာမျိုးမှာ ရန်သူနဲ့ထိတွေ့တိုက်ကြခိုက်ကြပြီး အသက်စွန့်လွှတ်ရတာမျိုးက ဂုဏ်ရှိပေမယ့် အခုလိုမျိုးသာ မတော်တဆဖြစ်စဉ်ကြောင့် အသက်ဆုံးရမှာကိုတော့ စိုးစဉ်းမျှ မလိုလားတာ စစ်သားတိုင်းပါ။

လျှိုစောင်းအတိုင်း ပတ်ပြီးဖောက်ထားတဲ့ မဟာဗျူဟာလမ်းကြီးအတိုင်း မနားတမ်းလျှောက်လာလိုက်ပြီး ခဏ အကြာတော့ ရှေ့ကနေ သွားနေတဲ့သူတွေ တုန့် သွားလို့ မေးကြည့်လိုက်တော့ နားတော့မယ်ပြောတယ်တဲ့။ ချက်ချင်းဆိုသလို Icom (လမ်းလျှောက်စကားပြောစက်) ကနေ မိမိနံမည်ဝှက်ကို ခေါ်လာပြီ။ စစ်ကြောင်းမှူးနဲ့ တပ်ခွဲမှူးတွေ ခေါင်းချင်းဆိုင်လိုက်ပြီး နေရာတွေခွဲလိုက်တယ်။ မနက်ဖြန်တော့ ထုံးစံအတိုင်းပဲ၊ အချိန်ကတော့ ဒီအချိန်ပဲ ဆိုတဲ့ သူလက်ထောင်ပြတာကို ကြည့်ပြီး အလေးကိုယ်စီပြုလို့ ပြန်လာခဲ့ကြတယ်။ တပ်ခွဲက ဆရာကြီး၊ ဆရာတွေကိုယ့်နားခေါ်ပြီး ဘယ်တပ်စုဘယ်နေရာ၊ ဘယ်သူက ဘာလုပ်ပါဆိုပြီး ထပ်ဆင့်အမိန့်ပေးလိုက်တယ်။ တပည့်တွေကတော့ ကင်းထွက်မဲ့သူက သေနက်ကိုယ်စီနဲ့ ပတ်လည် လုံခြုံမှုအတွက် ဘေးတပ်ခွဲ ကင်းတွေနဲ့ နယ်ပယ်ချိတ်ဆက်ဖို့ သွားကြပြီ။ တစ်ချို့က မြေနေရာရှင်း မီးဖိုအရင်ဖိုဖို့လုပ်သူကလုပ်၊ တစ်ချို့ ဘေးနားက ချောင်းလေးဆီ ပလက်စတစ် ဂါလံပုံးတွေသယ်လို့ ရေခပ်ထွက်ကုန်ပြီ။ ဒီလို ယာယီစခန်းချတဲ့နေရာမှာ မြန်မြန် ဆန်ဆန်နဲ့ နေရာတစ်ခုဖန်တီးရသလို အသံလုံခြုံမှုရှိအောင်လည်း လုပ်ရပါတယ်။ သစ်ပင်ခုပ် ဝါးခုပ် ထင်းချိုး ရင်တောင် အသံကို တိုးနိုင်သမျှတိုးအောင် ကျိတ်ပြီး ဓါးခုပ်၊လှီးဖြတ်ရတာမျိုးပါ။ သိပ်မကြာဘူး နေရာအစုစု ကိုယ်စီကနေ မီးခိုးတလူလူပျံ့လွင့်လို့နေပြီ။ ထမင်း၊ဟင်းချက်ကြပြီ။ ရေနွေးတည်ကြပြီ။ ရေဆိပ်ကင်းထုတ်လို့ ရေချိုးဆင်းသူကဆင်းပြီ။ မိမိတို့ကတော့ လက်စွဲတော် ပစ္စတိုလေး ခါးထိုးလို့ တပ်ခွဲပတ်လည် ကင်းတို/ရှည်တွေ အရင်လိုက်ကြည့်ရတယ်။ စိတ်ချလောက်တဲ့ အနေအထားထိ လိုက်ကြည့်ပြီးမှာ ရေချိုးဖို့ပြင်ရတာပေါ့။

မိုးရွာတော့မယ်ထင်တယ် ဗိုလ်ကြီးဆိုတဲ့ တပည့်ရဲ့စကားမှ မဆုံးသေးဘူး ရုတ်တရတ် တဝေါဝေါ ကျသံတွေနဲ့အတူ ဆိုင်းမဆင့် ဗုံမဆင့် မိုးရွာချလာပါတော့တယ်။ အဲဒီမှာ ဇာတ်လမ်းစတာပဲ။ ဖြန့်ခင်းထားတဲ့ အခင်းတွေစောင်တွေ ပြန်ရုတ်ရ သိမ်းရ ကျောပိုးအိပ်ပြန်ထုတ်၊ လုံးဝ ရေစိုလို့မရတာတွေ ချက်ချင်း ပြန်စုစည်း ရတော့တယ်။ စစ်ကြောင်းတစ်ခုလုံး ပွက်လောရိုက်သံတွေထွက်လာတယ်။ မထင်မှတ်ပဲ ရွာချလာတဲ့ မိုးကို ဆဲရေးအပြစ်တင်သံတွေ ပစ္စည်း အိုးခွက် သိမ်းဆည်းသံတွေ ချက်ချင်းဆိုသလို အမိုးအကာ သေချာပြန်လုပ်ကြ၊ ပြင်ကြဆင်ကြနဲ့ တဒင်္ဂပြန်ပြီး အလုပ် ရှုပ်သွားကြပြန်ရော။ တပည့်က မိမိပစ္စည်းတွေ လာကောက်သိမ်းတယ်။ အဝတ်စားတွေကို လုံးပြီးသာထည့်ကွာ အရေးကြီးဆုံးက မြေပုံနဲ့စာရွက်စာတမ်းအချို့၊ သွားလေရာသယ်တဲ့ ပရိတ်ကြီး (၁၁) သုတ်စာအုပ်နွမ်းလေးနဲ့၊ အင်္ဂလိပ်-မြန်မာ အဘိဓာန်စာအုပ်သေးလေးတစ်အုပ်၊ ဟုတ်တယ် ဒီလာလေးတွေက ဘဝမှာ အရေးပါဆုံး အရာလေးတွေပဲ။ ကျန်တာက ရေစိုလည်း နေပူပြန်လှန်းလို့ရတယ်လေ။ မိုးရေရွှဲရွှဲ တဲအမိုးပြန်မိုး တဲထိုးရတာ လွယ်တော့မလွယ်ကြပါဘူး။ လူတွေတစ်ကိုယ်လုံး ရွှဲရွှဲနစ်ပြီး ဝါးခုပ် နှီးဖြာ ချည်ဟဲ့ တုတ်ဟဲ့နဲ့ တစ်ချို့ နှီးမချည် တတ်သေးတဲ့ ရဲဘော်လေးတွေနဲ့ သူ့တပ်စိပ်မှူး ဆရာတွေ အလိုမကျသံ ဆူငေါက်သံတွေက မိုးရေကျသံတွေကို ထိုးဖောက်လို့ ပျံ့လွင့်လာတာလည်းကြားရပါတယ်။ တစ်ချို့ကလည်း ပြောနေကြသေးတယ်။ ဟကောင်မိုးရေကို ကြောက်မနေနဲ့ဟ၊ စစ်သားမိုးစိုမှ လှတာငါ့ကောင်ရ ...တဲ့ အဲလို ဆိုလာသူကရှိသေး။ ဆရာကြီး ဆရာတစ်ချို့ကတော့ အပေါ်ပိုင်းကို ပလက်စတစ် မိုးကာစခြုံ၊ အောက်ပိုင်းက ဘောင်းဘီကို ပေါင်လည်အထိ ခေါက်ထားလျက်သား သေနက်ကို ပိုက်လို့ တဝုန်းဝုန်း ရွာနေတဲ့ မိုးရေကြားမှာ ကင်းစောင့်နေတဲ့ သူတို့ တပည့်တွေဆီ မှာစရာရှိတာဖို့နဲ့ ကင်းစစ်ဖို့သွားကြလေပြီပဲ။

ကိုယ့်အသံကိုတောင် ပြန်မကြားရလောက်အောင် ဆူညံနေချိန်မှာ မိုးမှောင်ကျတာနဲ့ အလင်းပျောက်ချိန်ကို အခွင့်ကောင်းယူပြီး ရန်သူကပ်လာမှာကို အထူးသတိထားပြီး ကိုယ်ကလက်ဦးမှုရအောင် ကင်းတွေလိမ်မာ ပါးနပ်မှုဖို့က အရေးကြီးတယ်လေ။ မိုးသည်းသည်းမဲမဲရွာနေဦးတော့ တဲအချို့တွေဆီက မီးတောက်တလူလူနဲ့ ချက်လို့ပြုတ်လို့ ကောင်းတုန်း။ ခြေဖျားလက်ဖျားတွေကတော့ ပဲကြီးလှော် ရေနူးထားသလိုရှုံ့တွလို့။ တဲအစွန်းမှာ ဖိုပေးထားတဲ့ မီးဖိုလေးမှာ ဖိနပ်နဲ့ခြေအိပ်တွေကို တန်းလေးလုပ်လို့ မီးကင်ကြရပြန်တယ်။ ဒါမှ နောက်နေ့ ပြန်စီးရင် လမ်းလျှောက်လို့ ကောင်းမှာ။ ရေစိုထားတဲ့အတိုင်းစီးရင် အခန့်မသင့် သဲဝဲစားမှာကြောက်ရတာကိုး။ ဝါးတော ထဲမှာဆိုတော့လည်း တစ်ပေလောက် ဝါးစင်လေးထိုး၊ တဲအမိုးလေးသေချာမိုး၊ အစတွေကို လေးဘက်လေးတန် မြေကြီးမှာ ငုတ်လေးစိုက်ပြီးချည်လိုက်ရင် တစ်ညတာတော့ မိုးရေစိုစိုစိစိဒဏ်ကနေ ကင်းလွတ်စွာ အိပ်စက်လို့ ရပြီလေ။ မီးဖိုလေးကို မီးမတောက်အောင် မီးရဲရဲလေးဖြစ်အောင် ကင်းသမားတွေက အလှည်ကျလိုပ်သွားကြ တစ်ညလုံး နွေးနွေးထွေးထွေးတောင် အိပ်လို့ရသေးတယ်။ ည သန်းခေါင်ယံမှာ တဲအမိုး ပလက်စတစ်ပေါ် တစ်ဖျောက်ဖျောက်ကျနေတဲ့ အသံကိုတော့ ရပ်တန့်ခြင်းသွားစေခြင်းငှာ မစွမ်းသာကြပါဘူး။ ဘေးကပ်လျက် တဲကအသံကြားနေတာနဲ့ ဟကောင် တပည့်ကျော် မအိပ်သေးဘူးလား မေးလိုက်တော့ ။ ဘုရားရှိခိုးနေလို့ ဗိုလ်ကြီးတဲ့။ အေးပြီးရင်အိပ်တော့လေကွာ ဆိုတော့ နောက်နာရီဝက်ဆို ကျွန်တော့် ကင်းချိန်ရောက်ပြီ ဗိုလ်ကြီး၊ တပည့်မအိပ်တော့ဘူးတဲ့.... အေး ဟုတ်လား။ ဒါဆိုလည်း မင်းကင်းချိန်ပြီးတာနဲ့ ငါ့ကိုနှိုးကွာ...ဆိုတော့ ဗိုလ်ကြီးက မိုးတစိစိဗွက်တစိစိနဲ့ ဘာထလုပ်မှာလဲ။ အိပ်ပါခင်ဗျ။ တပည့်ကျော် တစ်ယောက်လုံးရှိတယ်စိတ်ချတဲ့။ ဟ မင်းရှိတာနဲ့စိတ်ချစရာလားဟ။ မင်း ဘိုးအေ ကင်းတွေ မိုးတဖျောက်ဖျောက်မှာ ငိုက်နေရင်ဘယ်လိုလုပ်မလဲ။ ထတော့ကြည့်ရမှာပေါ့ဟ။ နှိုးမှာသာနှိုးစမ်းကွာ စကားမများနဲ့ ဆိုတော့ ။ ဟုတ်ကဲ့ ဟုတ်ကဲ့..... တဲ့။ ဒီလိုနဲ့ မိုးစင်စင်လင်းရင် နောက်နေ့ခရီးကို ဒီလိုပဲ ထက်ဆက်ရဦးမှာပါလား.............လို့ တွေးမိတွေးရာ သတိရမိ ရရာတွေ ပြန်လည်းတွေးတော လွမ်းဆွတ်ရင်း.....
Thursday, February 11, 2010

မပေးဖြစ်ခဲ့သော စာလေးတစ်စောင် (အဆက်)


အခြေချစစ်ဗျူဟာစခန်း(ကျောက်ကြီး)
ကားတွေပေါ်ကနေ ပစ္စည်းတွေ လက်နက်တွေချကြ တပ်ခွဲလိုက်ပြန်တန်းစီးတာတွေ လူစစ်တာတွေနဲ့ တပ်ကလည်း သူ့ဟာသူ အလုပ်တွေရှုပ်လို့။ ကျွန်တော်တို့ကလည်း ကိုယ့် တပ်အလိုက်အဖွဲ့လေးတွေ လူလက်နက် ပစ္စည်းတွေ ပြန်စစ် စုစုစည်းစည်းလေးလုပ်ပြီး အသင့်စောင့်နေလိုက်တယ်။ ကျောပိုး အိတ်ကိုလည်း ကျစ်လစ်အောင်ထပ်ထုတ်ပိုး၊ အီကွစ်မန့်ကိုလည်း ချပ်ရပ်အောင်ပြင်ဆင်၊ သေနက်ကိုပါသေချာ ပြန်စစ်ရပြီ။ ပစ်ဟယ်ခတ်ဟယ် ဖြစ်လာခဲ့ရင် ကိုယ့်ရဲ့ အားကိုးဖော်က သူပဲလေ။ ကျည်ကဒ် အားလုံး ပြန်စစ်ပြီး တပည့်တွေပါ သေချာပြင်ဆင်ခိုင်းရတယ်။ ပေးအဖွဲ့ ဒီတပ်ခွဲနဲ့အတူလိုက်ပါ ဆိုတဲ့ အသံနဲ့အတူ မိမိတို့တစ်တွေ မြို့ရွာလူသူလေးပါးကို ကျောခိုင်းလို့ တောတောင်အထပ်ထပ် အန္တရာယ် နယ်မြေထဲကို စတင်တိုးဝင်လာခဲ့ရပြီ။ တောတောင်သစ်ပင် ကျေးငှက်အော်သံအချို့ တောင်ခိုးနဲ့ မြေငွေ့ရနဲ့တွေအတူ လက်ဆက်အေးမြတဲ့ လေထုကို ထိတွေ့ရှူရှိုက်ရလို့ အခိုက်တန့်တော့ လူက လန်းဆန်းသွားသလိုနဲ့ သိပ်တော့မကြာပါဘူး ကျောကနေ လေးပင်စွာဆွဲခိုထားလို့ ပုခုံးသားတွေ နာကျင် တင်းကျတ်မှုက ပြန်ခံစားလာရပါတယ်။ မျက်နှာပေါ်မှာ ခြောက်သွေ့စပြုတော့မယ် ချွေးစက်တို့အပေါ် ကနေ ထပ်ခါထပ်ခါ ပြန်စိမ့်ထွက်လာတဲ့ ချွေးတို့ကို တဘတ် သေးလေးနဲ့သုတ်လိုက် ပြန်ထွက်လိုက်နဲ့ ခြေဖဝါးတွေက နာကျင်မှုကို ကျော်လွန်ပြီး ထုံကျင်သွားကြပြီပဲ။ တစ်ခါတစ်ခါတော့လည်း ပူလောင် လာလွန်းတာ မီးများ ထတောက်မလားမှတ်ရတယ်။ ဒီလိုနဲ့ တစ်တောင်တက် တစ်ကွေ့ကျော်၊ တောင်ကျချောင်းလေးတွေဖြတ်၊ လျှိုတွေကိုဆင်းလို့ လမ်းဘေးမှာ ပလက်စတစ်ပါး မြေခင်းစ တစ်ချို့နဲ့ နှင်းစက်လုံအောင် တစ်ညအိပ်၊ နောက်တစ်နေကုန် လမ်းလျှောက်ခဲ့ကြ ပြီးတဲ့နောက် တပ်မဌာနချုပ် စခန်းကြီးအခြေကို ဆိုက်ရောက်ပါတော့တယ်။

ထုံးစံအတိုင်း သတင်းပို့စရာရှိတာပို့ပေါ့။ ကိုယ့်တပ်ရှိတဲ့ နေရာကိုမှ မရောက်သေးတာ။ တပ်မစခန်း တာဝန်ရှိတဲ့ G-3 ရှေ့ရောက်တုန်းရှိသေးတယ်။ အေး ညီလေး မင်းတပ်တော့ မနေ့က ထိတွေ့မှုတစ်ခု ဖြစ်တယ်ဟာ ဟုတ်လား အစ်ကိုကြီး ဘယ်သူတွေဘာဖြစ် အကျိုးအမြတ်ရော… မေးလိုက်တော့ အင်း ကိုယ့်ဘက်ကတော့ တစ်ယောက်ကျတယ်။ ရန်သူ့ဘက်က ၂လောင်းနဲ့ M-16တစ်လက်တော့ ရလိုက်တယ်။ ဘယ်နားမှာ ဖြစ်တာလဲအစ်ကိုကြီး ဆိုတော့ ရေဆိပ်ကို အဆင်း ငပွေးက အပိုင်စောင့်ပြီး တွယ်တာကွ။ ထားပါ။ ညီလေး ဒီညတော့ ဒီမှာပဲ ခေါင်းအုံးရဦးမယ်။ အခြေအနေကြည့်ပြီး ညီလေးကို တစ်ခွဲတစ်ခွဲလာကြိုခိုင်းပါ့မယ်။ အခုတော့ သွားပါ နားလိုက်ဦး…. ဆိုတာနဲ့ ကိုယ့်အဖွဲ့တွေဆီ သတင်း စကားပါးဖို့ပြန်လာခဲ့ရတယ်။ တောင်ကျရေ ချောင်းလေးကို တမံသေးလေးဖြစ်အောင် ပိတ်ဆည်ထားတဲ့ ရေဆိပ်မှာ ရေချိုးလိုက်တော့မှ ပေါ့ပါး လန်းဆန်းသွားသလို ခံစားလိုက်ရတယ်။ ညနေစောင်းလာတာနဲ့ တဲအစုစုတွေဆီက မိးခိုးတလူလူ မီးရောင်လက်လက်နဲ့ ထမင်းဟင်းတွေချက်နေကြပြီ။ အခုတော့လည်း အားလုံး အေးအေးလူလူပဲ။ အင်းပေါ့လေ။ တပ်မဌာနချုပ် စခန်းကြီးဆိုတော့လည်း လုံခြုံရေးကို စိတ်ချလက်ချ ရှိထားပုံရတယ်။ ကိုယ်တိုင်ကတော့ ကျောပိုးအိပ်လေးထဲက ပစ္စည်းတိုလီမိုလီလေးတွေ ပြန်ပြင်ထည့်၊ နေ့စဉ်မှတ်တမ်းလေး ရေးလို့။ ဆရာတစ်ယောက် လာချပေးတဲ့ ရေနွေးကြမ်းပူပူလေးနဲ့ လက်တလော ခွဲခွာလာခဲ့ရတဲ့ မြို့ပြအနံ့သက်တွေကို ပြန်လွမ်းဆွတ်ရင်းပေါ့။ နောက်နေ့မှာပဲ မိမိတို့ကို လာကြိုတဲ့ ကိုယ့်တပ်က တပ်ခွဲတစ်ခွဲရောက်ချလာတယ်။ နှုတ်ဆက်ကြ စကားတွေပြောကြ မိမိတို့ နောက်တန်းက မှာလိုက်တာလေးတွေအရင် ပါးစပ်နဲ့ ဖောက်သည်ချတာချပေါ့။ လာကြိုတဲ့ တပ်ခွဲမှူး ညီလေးနဲ့ စကားတွေဖောင်ဖွဲ့ရင်း ခဏကြာတော့ အစ်ကိုကြီး သတင်းပို့ပြီးပြီ ထွက်တော့မလား မေးလာတာနဲ့ ညီလေး သဘောပါ။ လုပ်။ မင်းကတပ်ခွဲမှူးလေ လောလောဆယ်တော့။ ဆိုတော့ … အာ အစ်ကိုကြီးကလည်း လုပ်ပြီ စီနီယာသဘောပါ။ တပ်ခွဲဆိုတာလည်း အစ်ကိုကြီးတပည့်တွေပဲလေ။ လို့ဆိုလာပါတယ်။


ကဲ ဟုတ်ပါပြီ ဒါဆိုထွက်မယ် ပွိုင့်ဘာညာ ညီပဲ စီစဉ်။ ပစ္စည်းတွေတော့ ကိုယ် ခွဲပေးတဲ့အတိုင်းပဲ သယ်ကြမယ်။ အားလုံးကို ထပ်ပြီး မှာစရာရှိတာမှာပြီး ထွက်ခဲ့တာပေါ့။ ကျောပိုးအိပ်ကို တပည့်လေး တစ်ယောက် သယ်ပေးတယ်။ ကိုယ်တိုင်ကတော့ MA -3 ကျည်အသင့်ထိုးလို့ လိုက်ပါခဲ့တော့တယ်။ ဒီလိုနဲ့ရောက်ပြီ။ တပ်ရင်းမှူးဆီအရင်သတင်းပို့ သူ့အတွက် နောက်တန်းက စာတွေအရင်ပေး။ သြဝါဒ နာခံပေါ့။ နောက်တော့ ဆရာကြီးတွေ တပ်ခွဲလိုက် ပစ္စည်းခွဲတာကြီးကြပ်။ ညီငယ်တွေရဲ့ စာနဲ့ လူကြုံ ပစ္စည်းတစ်ချို့ လွှဲပေး နောက်တန်းနဲ့မြို့ပေါ်ကသတင်းတွေ မေးသမျှဖြေ။ သူတို့ပြောပြသမျှ လက်ရှိ ရှေ့တန်းစခန်း ဒေသအခြေအနေ လက်လက်ဆက်ဆက် ဖြစ်သွားခဲ့တဲ့ ဖြစ်စဉ်လေးကို ပြန်ပြောပြကြနဲ့ မမောနိုင်အောင်ပါပဲ။ မြန်မာစည်ဘီယာကို လွမ်းလိုက်တာအစ်ကိုကြီးရာ ဆိုတဲ့သူနဲ့ ဘောလုံးပွဲတွေ အခုချိန်ဆိုအကျိတ်အနယ်ပဲ။ အခုတော့ ရေဒီယိုကနေ ပွဲအနိုင်အရှုံးလေးနားထောင်ရင်း ကြေနပ်နေ ရတယ်ဆိုသူကဆို။ ရွှေရွက်လှ ဒိန်ချဉ်သတိရတာနဲ့။ နန်းရှေ့က မုန့်ဟင်းခါးစားချင်တဲ့ကောင်နဲ့။ ဂျာနယ်အဟောင်းလေးတွေကို လုယက်ပြီး အငမ်းမရဖတ်။ ပါလာတဲ့ လူကြုံပစ္စည်းတစ်ချို့ထဲက ဘီစကစ်ထုပ်တွေ ချက်ချင်းဖောက် တပည့်ကိုခေါ် လုပ်ကွာ တီးလေးဖျော်လိုက် ဆိုတာတွေနဲ့ တစ်နေ့ တာတော့ ဆူညံပွက်လောတွေရိုက်နေတော့တာပါပဲ။ တိုက်ပွဲမှာကျသွားတာက ဘယ်သူ တုန်းဟ ညီလေး ခုနကပြောလိုက်တာ။ ဘယ်သူ …ဆိုတော့ စိန်ဌေး အစ်ကိုကြီး ခွဲ(၃)က၊ ကိုတိုးကြီးတပ်ခွဲက။ ဟာ…. အေးကိုတိုးကြီးတပ်ခွဲက ဘယ် ကုန်း(စခန်းကုန်း)မှာလဲ မေးလိုက်တော့ ။ လာ အစ်ကိုကြီး ကျွန်တော် ပြမယ် ဟိုမှာ လှမ်းမြင်နေရတဲ့ ကာကင်းကုန်းအဲဒါ သူ့တပ်ခွဲတစ်ခွဲလုံး ပတ်လည် ယူထားတာ..တဲ့။ ဟာ သွားပြီ သွားတာမှ တကယ်ကိုသွားပြီ ……… အစ်ကိုကြီး ဘာသွားတာတုန်း လို့ဘေးကနေ မေးလာမှ ဒီလို…ညီလေး…ဆိုပြီး။ရှေ့တန်းမထွက်ခင်က စာလာပေးတဲ့အကြောင်း၊ ပြင်ဦးလွင်မှာစာသွားပေးတာ မတွေ့ခဲ့ ဖြစ်ခဲ့ ပုံတွေကို ပြန်ရှင်းပြလိုက်ပါတယ်။ ညီလေး ကို အဲဒီ ကုန်းကို သွားချင်တယ်။ ကိုတိုကြီး ကိုလည်းတွေ့ချင်တယ်။ သူ့တပည့်ပေးခဲ့တဲ့ ဒီစာလေးကို သူ့တပ်ခွဲမှူးလက်ထဲကို ထည့်ပေးချင်တယ် ဆိုတော့… ဒီနေ့သွားရင်တော့ အဘ ခွင့်ပြုမှာမဟုတ်ဘူးအစ်ကိုကြီး။ နောက်ပြီး ပေးပစ္စည်းလည်း မနက်ဖြန်မှာ လာယူမှာဆိုတော့ မနက်ဖြန်မှ သွားမယ်လေ အဲဒါကပိုကောင်းတယ် လို့လိုလာပါတယ်။

အိုင်ကွန်လေးနဲ့ လှမ်းခေါ်ပြီး ထမင်းအဲဒီမှာလက်ဆုံစားမယ် ဘယ်သူပါမယ်ဆိုပြီး အရင်လှမ်းပြောတာနဲ့ အဘကို သတင်းပို့ သူမှာကြားတာ နားထောင်ပြီးထွက်လာခဲ့တယ်။ လမ်းမှာ ငါးရှာ ဟင်းစားရှာအဖွဲ့ကို dot လုပ်ခဲ့လိုက်ပြီး တပည့် ၂ယောက် မိမိရယ် လှုပ်ရှားတပ်ခွဲမှူးညီလေးနဲ့အတူ ဆက်တက်ခဲ့ကြတယ်။ နှုတ်ခမ်းမွှေး ပါးသိုင်းမွှေးတွေ ထူပိန်းနေတဲ့မျက်နှာနဲ့ ကျွန်တော့် စီနီယာအစ်ကိုကြီးဖြစ်သူ နောက်တန်း မှာလည်း ဆွေမျိုးရင်းချာလို အားကိုးရတဲ့ အစ်ကိုကြီး ကိုတိုးကြီးက စခန်းဝထိ လာစောင့်ကြိုတယ်။ မင်္ဂလာပါ ကိုရဲစိုး(အိုင်ကွန် စက်အခေါ်ကျွန်တော့်အမည်ဝှက်)လို့ခေါ်ပြီး လက်ဆွဲနှုတ်ဆက်လာတော့ ထုံးစံအတိုင်း နောက်ချင်တဲ့ ဝသီရှိတဲ့ ကျွန်တော်က အေး ကိုယ့်ညီ လေးစားပါတယ်ကွာ သေချာလုပ်ဖို့တော့လိုမယ် ဆိုပြီး နောက်တော့ လခွီးပါလား လဒ လာ ဆိုပြီး သူ့တဲ့ကိုခေါ်သွားပါတယ်။ နောက်တန်းအကြောင်း သူ့အိမ်အကြောင်း သူ့ဇနီးက အမှာစကား ပါးတာလေးတွေပြောပြီး စာတွေပေးအပ်လိုက်ပါတယ်။ မင်းအစ်မဆီက စာတွေတော့ မင်းတို့ အမှိုက်တွေပြန်မှ ငါ အေးဆေးဖီလင်နဲ့ ဖတ်တော့မယ်ကွာ တဲ့။ သူကလည်းပြန်တွယ်ပါတယ်။ ဟုတ်ပါပြီ အစ်ကိုကြီးရယ် ။ ဒါပေမယ့် ဒီစာကိုတော့ အခုဖတ်မှရမယ် ဆိုပြီး လက်တလော ကျသွားတဲ့ သူ့ရဲဘော်လေး စိန်ဌေးရဲ့ သူ့မိဘထံ ပေးစာ လေးကို ပေးလိုက်တယ်။ သူ့အိမ်ကို အကြောင်းကြားတာဘာညာ ရော ဆိုတော့ နောက်တန်းက ဆက်လုပ်နေပြီ ညီလေး..တဲ့။ စိတ်မကောင်းဘူး အစ်ကိုကြီးရာ ဆိုတော့ မင်းထက် တို့က ပိုဆိုးတာပေါ့ကွာ တဲ့။ အင်းပါ သိပါတယ်ပေါ့။ သူ့တပ်စိတ်မှူး မြင့်အေး အခုထိ ပြန်ပြောရင် မျက်ရည်လည်တုန်းဟ။ ဒို့ ရလိုက်တဲ့ ၂ လောင်းနဲ့က သူပစ်လို့ လဲကုန်တာ။ မှန်ထားရက်နဲ့ကို သူက ၂ကောင်လုံးကို မရမက ထပစ်တာ။ အတင်းတက်ပြီး ဆန့်ငင်ဆန့်ငင်ဖြစ်ပြီး လဲတော့မယ့်ကောင်ဆီက သေနက်ကိုဇွတ်ဝင်ဆွဲတာ။ သူက MA-2နဲ့ပစ်အားက ကောင်းကောင်းနဲ့ ဇွတ်တက်လာတော့ ကျန် ၁ ကောင်လည်း ဆင်းပြေးတာ။ ငပွေး သေနက်ကို ကိုင်ပြပြီး သူက သူ့ဆရာတွေဘက် ပြန်ထောင်ပြပြီးမှ လဲကျသွားတာ ဆိုပြီး ဖြစ်စဉ်ကို သေချာပြန်ရှင်းပြပါတော့တယ်။ ဆရာကြီးတွေ၊ ဆရာတွေစုံတာနဲ့ စာအိပ်လေးကိုဖွင့်ပြီး ကိုတိုးကြီးက အားလုံးရှေ့မှာအသံထွက်လို့ ဖတ်ပြ ပါတော့တယ်။
သို့
အဖေနဲ့အမေ ကျနော် စာရေးလိုက်ပါသည်။ နေကောင်းကြပါသလား။ ကျနော်နေကောင်းပါတယ်။ အခုနှစ်ကတော့ စစ်ဆင်ရေးပြီးမှ ခွင့်တင်ပြီး အိမ်ပြန်လာခဲ့ပါမည်။ ဒီတပ်မှာပျော်တယ်။ အဖေ့တပ် ကျောင်းထက် ရေမီးပိုမှန်တယ်။ အဖေ့ဌာနမှူးပြောပြီး ကျနော့်ကိုခေါ်လို့ရရင်ခေါ်မယ်ဆို။ စစ်ဆင်ရေး ပြီးတဲ့အခါကျ ခေါ်ပေါ့။ ဒါပြီးရင် နောက်တန်းပြန်နားတာနဲ့ ဒုတပ်ကြပ်ပါမယ်ဗျ။ ဆရာအဖြစ်နဲ့ ပြောင်း လာခဲ့မယ်။ မိသဲက အခုနှစ် ၈ တန်းဆိုတော့ အပိုချိန်ထားရပြီလား။ သူ့ကိုတော့ အတန်းပညာ ဆုံးအောင်ထားရအောင်နော်။ အဘွားတို့ဆီမှာ သူနေရထိုင်ရတာ အဆင်ချောလား။ အငယ်ကောင်က ကျောင်းဆက်တက်ခိုင်းလို့ မရကိုမရဘူးဆိုရင်လဲ ထားလိုက်ပါ။ သူ့ကိုအခု ဝပ်ရှော့ပို့ထားတာ ကောင်းတာပေါ့။ ဒီမှာလည်း ကျနော်ရှေ့တန်းထွက်နေရတာ လစာမထုတ်ဖြစ်တော့ဘူး။ ပြန်လာတော့ ဘဏ်ကထုတ်ပြီး ခွင့်ပြန်ခဲ့မယ်နော်။ အတော်စုမိနေပြီ။ မိသဲလေးကို ၁၀တန်းအောင်ပြီး ဘွဲ့ရကြီးဖြစ်စေချင်တယ်။ အခုရှေ့တန်းထွက်နေရတာ ပိုက်ဆံတော့စုမိသားရယ်။ သင်တန်းတို့ ဘာတို့လည်းတက်စရာ မလိုတော့ဘူး။ တရစ်ကပ်ရင်တော့ ထက်ရဦးမှာထင်တယ် အဖေရ။ ရှေ့တန်း ပြီးတာနဲ့ လက်မောင်းမှာ အရစ်ကပ်၊ ခရာကြိုးလေးချိတ်ရတော့မယ် မိုက်တယ်နော်အဖေ။ အဖေ့လိုပဲ ကျနော်လည်း ခရာကြိုးလေးဆွဲရမှာ မကြာတော့ဘူးရယ်။ အခုလည်း လိုတာလေးများ ဝယ်ပြီးပြီ။ တစ်လစာကို ရှေ့တန်းထွက်ဖို့သုံးလိုက်တာလေ။ ကျန်သေးတယ် အရင်လခ ပိုက်ဆံတွေရောပဲ။ ဒီတစ်ခါက စခန်းထိုင်ရမယ်ကြားတယ်။ သိပ်မပင်ပန်းဘူးတဲ့။ အဖေပေးတဲ့ အဲဒီ ဘာဌာနဆိုလား ဖုန်းက ခေါ်လို့ တော်တော်နဲ့ ဖုန်းမဝင်ဘူး။ ရှေ့တန်းသွားခါနီးကျ ကျနော်ထပ်ဆက်ကြည့်ဦးမယ်။ အဖေတို့အမေတို့ ကျန်းမာရေး ဂရုစိုက်ကြပါ။ အမေ ကျနော် ကဆစ်သီးဟင်းလေး စားချင်လိုက်တာ။ ခွင့်ပြန်လာတော့မှ ချက်ကျွေးဦးနော်။ အဘွားတို့ဆီလည်း သွားလည်ကြမယ်။ မိသဲကို မုန့်ဘိုးပေးရဦးမယ်။ သူ့ဆီကိုတော့ စာမရေးတော့ပါဘူး။ အားလုံး စိတ်တသုခကာယသုခ ပြည့်စုံကြပါစေ။
တသ စိန်ဌေး
ကပ တ/၂၀၅xxx
ခမရ ( xxx )

(ရှေ့တန်းမြေ တစ်နေရာ၌ ကျဆုံးသွားခဲ့သော စစ်သည်တစ်ဦးအား လေးစားသတိရလျက်) @@@နေလွမ်းသူ

Monday, February 8, 2010

မပေးဖြစ်ခဲ့သော စာလေးတစ်စောင်

အဲဒီနေ့က တနင်္ဂနွေနေ့ဖြစ်သည့်အားလျော်စွာ ဘယ်မှသွားဖို့လည်း ရည်ရွယ်ချက်မချထားတဲ့အတွက် ကျွန်တော် အိပ်ယာထ နောက်ကျ ခဲ့ပါတယ်။ အိပ်ယာပေါ်ကကိုမထဖြစ်သေးတာပါ။ ရိပ်သာရှေ့မှာ မိမိနာမည် ပြောနေသံကြားတာနဲ့ ခေါင်းထောင်ပြီး ပြတင်းတံခါးဖွင့် ကြည့်လိုက်တော့ ညီငယ် တစ်ယောက်က ရိပ်သာနဲ့ ကားလမ်းကူး တံတားလေးပေါ်မှာ ရပ်နေတဲ့ စစ်သည်တစ်ဦးကို လှမ်းမေး နေတာ တွေ့လိုက်ရပါတယ်။ ပြီးတာနဲ့ ညီငယ်က မိမိအခန်းကိုအလာ ညီလေး ဘာလဲ ဆိုတော့ ခွဲ(၃)က စိန်ဌေး အစ်ကိုကြီးကို လာတွေ့တာ ပြောလို့ … အေး တပည့်လာကွာ ဆို ဘာကိစ္စလဲ မေးတော့ ဗိုလ်ကြီးက ပြင်ဦးလွင်ကို သင်တန်း သွားမယ် ကြားလို့ ။ အေး ဟုတ်တယ် တအခ ကို။ ဟုတ်ကဲ့ အဲဒါ ကျွန်တော် စာလေးတစ်စောင် လူကြုံထည့်ပေးချင်လို့ပါ။ ဟ ရတာပေါ့ မင်းမိဘာတွေ ဆီကိုလား ချစ်သူ ဆီကိုလား။ မိဘတွေဆီကိုပါ….တဲ့။ ရတာမှ သိပ်ရတပည့် (၁)စောင်မဟုတ်ဘူး (၁၀)စောင်ဆိုလည်းရတယ် လိပ်စာရော သေချာ ရေးထားလား မေးလိုက်တော့ ဟုတ်ကဲ့ ရေးထားပြီးသားပါ ဒီမှာပါ စာအိပ်ဖြူလေး ထုတ်ပေးလာပါတယ်။ သြော် မင်း မိဘတွေကလည်း တအခ ထဲကပဲကိုး။ အေး တပည့် စိတ်ချ ကိုယ်သွားပေး ပေးမယ်နော် ဆိုတော့ အလေးပြုလို့ ဟုတ်ကဲ့ ဗိုလ်ကြီး ကျေးဇူးပါခင်ဗျ အေး လေးစားပါတယ်တပည့် ။ မိမိလက်ပြန်အချမှာပဲ တပည့်လေး ထွက်သွားပါတော့တယ်။ မှတ်မှတ်ရရ နောက် နှစ်ပါတ်လောက်အကြာမှာ မိမိတို့တပ်လည်း နားရက်ပြည့်တာနဲ့ ရှေ့တန်းမြေကို ပြန်လည် ထွက်ခွာသွားပါတော့တယ်။

ပြင်ဦးလွင်(ချယ်ရီမြို့)ပန်းမြို့တော်၊ တောင်လှေခါး……ကျောင်းဆင်းပြီးကတည်းက တစ်ခါတစ်ခေါက်မှ ပြန်မရောက်ဖြစ်တော့တဲ့ မိမိတို့ကို လက်တွေ့ဘဝနယ်ပယ်ထဲကို ပို့ဆောင်ပေးခဲ့တဲ့ အမိ ကျောင်းတော် ကြီးလည်း အရင်ကထက် အဆောင်ကြီးတွေ ပိုတိုးလာပြီး သစ်ပင် ပန်းပင်တွေနဲ့ ဝေဆာနေလျက်ကို မြင်မိတော့မှ ပထမနှစ်ဘဝက ပြေးလွှားသွားလာခဲ့တာအစ နောက်ဆုံးနှစ်ဗိုလ်လောင်းဘဝအဆုံး အားလုံးကို ပြန်မြင်ယောင်လာမိပါတယ်။ တအခမှာဖွင့်တဲ့ တပ်ရေးဗိုလ်ကြီးသင်တန်း ကာလ တစ်ပါတ်အကြာမှာပဲ တပ်ကနေ တပည့်လေး လူကြုံထည့်ပေးလိုက်တဲ့ စာအိပ်ပေါ်က လိပ်စာအတိုင်း စာသွားပေး ဖြစ်ပါတယ်။ အဲဒီ လိုင်းခန်းတစ်ခုလုံးကို ပိတ်ထားလျက်သားတွေ့ရလို့ အနီးနားက ကွမ်းယာဆိုင်ကို မေးကြည့်တော့ လိပ်စာရှင် ဆရာကြီးမိသားစုကလွဲပြီး ကျန်အခန်းများက အိမ်ထောင်သည်မဟုတ် ကြကြောင်း၊ အားလုံး လုံခြုံရေး ထွက်သွားတာဖြစ်နိုင်ကြောင်း၊ ဆရာကြီးမိသားစုမှာ ခွင့်ပြန်သွားခြင်း ဖြစ်နိုင်ကြောင်း လုံခြုံရေးတစ်ခါထွက်ဆို ကြာတတ်သည့်အတွက် ကျန်မိသားစုများက ခွင့်ပြန်တဲ့အခါ ပြန်ကြကြောင်း ပြောပြလာတာနဲ့ သက်ပြင်းချပြီး ပြန်လာခဲ့ရပါတော့တယ်။ ဒီလိုနဲ့ သင်တန်းကာလ ပြီးခါနီး သွားကြည့်တဲ့အထိ အဆိုပါ မိသားစုအိမ်က သော့ပိတ်လျက်သားပဲ တွေ့ရပါတယ်။ ပထမ အခါက တွေ့ခဲ့ရတဲ့ ကွမ်းယာဆိုင် လေးတောင် အစအန မတွေ့ရတော့ဘူး။ ဘယ်လိုဖြစ်ရတာလဲ။ တစ်ပါတ်ကျော်လေးအတွင်းမှာ ဆိုင်က အစအနတောင် မကျန်ခဲ့ဘူး ဘယ်ရွှေ့သွားတာလဲ……..

ဒီလိုနဲ့ သင်တန်းပြီးလို့ တစ်ပါတ်တောင်ကြာမယ်မကြံသေးဘူး။ ကြိုသိနေလို့ ပြင်ဆင်ထားတဲ့အတိုင်းပဲ ချစ်သူလေးနဲ့တောင် ပါးပူအောင်ဖုန်းမပြောရသေးဘူး ရှေ့တန်းကို တက်မယ့် တစ်ခြားတပ်ရင်းတစ်ရင်းနဲ့ အင်းအားဖြည့် ပေးအဖွဲ့ကိုဦးစီးပြီး ရှေ့တန်းမြေကိုချီတက်ရ ပါဦး တော့မယ်။ ထုံးစံအတိုင်း သင်တန်းပြီး ခွင့်စေ့ ဆေးရုံဆင်း စတဲ့ စစ်သည်များကို ဦးဆောင်လို့ ရထားတွဲတစ်တွဲ ခွဲတမ်းရတဲ့ဟာလေးမှာ တပ်ရင်း သုံး လေး ငါးရင်း လောက်က အင်အားဖြည့်အဖွဲ့တွေပေါင်းပြီး ကပ်ညှပ်ကျတ်သိပ်လို့ ရ ရထားကြီး ပျော်ပျော်စီးပြီး …… လမ်းဘေးဝဲယာ တစ်လျှောက် မီးရောင် လင်းလင်းလက်လက်လေးတွေ လမ်းဘေး ယာတဲလေးတွေ ပျဉ်မနား၊သာစည်၊တောင်ငူ စတဲ့မြို့ကြီးတွေကို ဖြတ်လို့ အေးအေးလူလူ ကားလေး ဆိုင်ကယ်လေးတွေနဲ့ သွားလာနေတဲ့ ကိုယ်လိုသူလို အရွယ်လူငယ်တွေကို အားကျနေမိသလိုလိုနဲ့။ ရေအေးရမယ်ရေအေး …. ကွမ်းယာ ဆေးလိပ် အစ်ကိုရေ ကွမ်းယာဆေးလိပ်ဆိုတဲ့ အသံလေးတွေပျံ့လွင့်လို့ အတွေးနယ်ချဲ့ရင်း လိုက်ပါခဲ့ပါတယ်။ ထမင်းစားချိန် ရထား တစ်ထောက်နားပေးပါတယ်။ အဲဒီအချိန်ကလည်း ဓါတ်အကျဆုံး အချိန်တွေထဲ တစ်ခုအပါအဝင်ပါ။ ဘယ်မှာထိုင်စားလို့စားရမှန်းမသိ ပိုဆိုးတာက သူများတပ်နဲ့ ကပ်လိုက်ရတဲ့အခါ ဖြစ်တတ်တဲ့ အခက်အခဲလေးတွေပါ။ ကိုယ့်တပ်နဲ့ကိုယ်ဆို တပ်ခွဲလိုက်က တပည့်တွေ ချက်ယူလာတဲ့ ထမင်းဟင်း စတီးချိုင့်လေးဆွဲလို့ အစ်ကိုကြီး ညီလေးတွေ စုပြီး ပျော်ပျော်ကြီးနွှဲလို့ရတော့ သိပ်ပြီး ပူစရာမရှိပါဘူး။ အခုဟာက တပည့်တွေခမျာလည်း နေရာသီးသန့်ကလုပ်ပေးချင် ဘယ်မှာ လုပ်ပေး ရမှန်းမသိနဲ့ အတူတူစားမယ်ဆိုတော့လည်း ဆရာကြီး ဆရာများက ကိုယ့်ဗိုလ်ကြီး ကိုယ့်အရာရှိကို သီးသန့်လေး လုပ်ပေးချင်ကြတာမျိုး။ လာပါ မထူးပါဘူး ဖြစ်သလိုပေါ့ နောက် ကြုံသလိုပေါ့ဗျာ… ဆိုပြီးသမုဒ္ဓရာ ဝမ်းတစ်ထွာ ပြည့်သွားပြီးရောပေါ့လေ။……………………………………………..

(ဆက်လက်ဖော်ပြပါမည်)@@@ နေလွမ်းသူ
Wednesday, December 30, 2009

မိုးရေစိုစိုအောက် တချိူ့ သောနေ့ ရက်များ (၂)

၆ ထပ်ကွေ့ လို့အများခေါ်တဲ့ တောင်တက်လမ်း အဆင့်ဆင့် အပိုင်းက နာမည်ကြီးပါ။ ရန်သူနဲ့ မကြာခဏ ထိတွေ့မှုလေးတွေ ဖြစ်ပွားတတ်၊ မိုင်းဖြစ်စဉ်လေးတွေဖြစ်တတ်တဲ့ နေရာတစ်ခုဖြစ်တာမို့ လမ်းကင်းအဖွဲ့တွေနဲ့ ဖြတ်သွားဖြတ်လာ တပ်တွေ အထူးသတိထားကြတဲ့နေရာတစ်ခုပေါ့။ ဒီလိုနေရာက ကိုနန္ဒအောင် တပ်ခွဲ တာဝန် ယူရတဲ့ အပိုင်းမှာ ဆိုက်ဆိုက်မြိုက်မြိုက်ကို ပါဝင်လာတော့တာပဲ။ ဒီတော့လည်း ဖြစ်ချင်ရာဖြစ် တပ်ခွဲမှူး ဦးစီး တပ်ခွဲရုံးအဖွဲ့ပဲ ဒီနေရာကို အပိုင်ယူထားလိုက်တာပေါ့။ ကျန်အပိုင်းတွေကို ညီငယ် တပ်စုမှူး ၂ ယောက်ရဲ့ တပ်စု ၂ စု၊ တပ်စိတ်တွေ ခွဲပေးထားလိုက်တယ်။ နေရာကိုတော့ မိုးတဖွဲဖွဲအောက်မှာ မျက်နှာပေါ်ကို တောဆောင်းဦးထုတ်ကနေ စိမ့်ပြီးမျက်နှာပေါ်ဖြတ်စီးကျလာတဲ့ မိုးရေနဲ့ချွေးရောရော ငန်ကျိကျိ အရည်တွေကို မကြာခဏ သုတ်ရင်း မိမိကိုယ်တိုင် ဦးစီးခေါင်းဆောင်တွေကို ခေါ်သွားပြီး ဘယ်နေရာမှ ဘယ်သူနဲ့ ဘာလက်နက်နေရာချ၊ ကျောဘက်ကိုလှည့်ပြီးဘယ်သူတွေနေရာယူ၊ ဘယ်သူနဲ့ ဘယ်နှယောက်က အဲဒီကုန်း မှာနေ၊ ဟိုကွေ့မှာက ဘယ်ဆရာကိုထား၊ နမော်နမဲ့နိုင်မယ့် ရဲဘော်ကို ဆရာကြီး တွေနဲ့တွဲချ၊ အမိန့်မရဘဲ မီးမမွှေးဖို့၊ ငါးမပစ်ဖို့ (ငါးပစ်တယ်ဆိုတာက လမ်းဘေးတောထဲက ချောင်းကြိုချောင်းကြားဝင် ငါးအုပ်စုစု တွေ့တဲ့နေရာကို သေနက်ပြောင်း ထိုးချိန်ပြီး ၂ ချက်လောက်ကိုင်ထည့်လိုက်တာ၊ ခနနေတော့ ငါးတွေ တုန်းလုံး ပက်လက်နဲ့ ရေပေါ်ပေါ်လာတာကို အသာလေး ကောက်ထည့် ဟင်းစားအလွယ်ရှာနည်းပေါ့) သေနက်သံထွက်မှာကိုး။ ဒီတော့ တားရတာပေါ့။ ကိုယ်က အလစ်အငိုက်ယူပါတယ်ဆိုမှ။ အသံလုံမှ တော်ကာ ကြမယ်လေ။ အဲဒီရေထဲကိုချိန်ပြီး ပစ်ထည့်လိုက်တဲ့သေနက်ရဲ့ ပြောင်းဝက ရေမျက်နှာပြင်နဲ့ အနည်း ဆုံး ၁ ပေ လောက်ခွာရပါတယ်။ အဲဒီထက်နီးပြီး အတင်းကပ်ပစ်လိုက်ရင် သေနတ်ပြောင်းထွက်ရှိန် နဲ့ ရေက အပေါ်ကို ရိုက်ခတ်လာပြီး ရေက သေနတ်ပြောင်းကို အလုံးအရင်းနဲ့လာဆောင့်ရင် အပူအအေး ချက်ချင်းပြောင်း လဲမှု ကြောင့် သေနတ်ပြောင်း ကွဲတတ်ပါတယ်။

အခုလည်း ၆ ထပ်ကွေ့အလည်တည့်တည့်မှာ မိမိအတွက် ဘိကောင်းကောင်းလေးရတာနဲ့ နေရာချ၊ အစွန် ၂ ဖက်တွေကို စိတ်ချရတဲ့ ဆရာကြီးနဲ့ဆရာ တစ်ယောက် ၂ ဖွဲ့ခွဲချပေးလိုက်တယ်။ လှုပ်ရှားရှားလေး နည်းနည်း လုပ်ထားတာနဲ့ နာရီကလည်း စားနာရီထိုးခါနီး ( မနက် ၁၁ နာရီအချိန်) ရောက်လာတာနဲ့ ဗိုက်က အသံ မြည်လာပြီ။ ကဲ တပည့်ရေ စားမယ်ကွာပေါ့။ အဖွဲ့တွေလည်း ကိုယ်စီ မနက်စောစော ထ ချက်ထားတဲ့ ထမင်းထုပ် ကိုယ်စီနဲ့ပါ။ မိုးက ဘယ်လိုမှ မတိတ်ဘူး။ ဝါးပင်ကြီး သစ်ပင်ကြီးတွေ ဘယ်လောက်ထူထူ မိုးရေက တော့ရွှဲရွှဲစိုပါပဲ။ ငါ့အတွက် တဲမထိုးတော့နဲ့ကွာ။ အိပ်ခါနီးမှ ပုခက်လေးဆင် အပေါ်က ထုံးစံအတိုင်းပေါ့ လို့ တပည့်ကိုပြောထားတော့ အခု နားခိုဖို့ကျ အမိုးအကာက လိုလာပြန်ရော။ ချက်ချင်းဆိုသလို မိုးကာပါးလေးကို ထောင့်လေးခုမှာ ကြိုးစလေးတွေချည်လို့ ဝါးရုံကြားမှာအမိုးလုပ် အောက်က ရေစီးကာဖို့ ပတ်လည်ကို လက် ယက်မြောင်းလေးဖောက်လိုက်တယ်။ ဝါးပိုးလုံး ၂ ဆစ်၂ ဆစ်တုံးတွေကို အပေါက်ဖောက်ပြီး အလည်ကို ဝါးမာချောင်း လျှိုလိုက်တော့ ထိုင်စရာခုံဖြစ်သွားပြီလေ။ တပည့်က မိမိအတွက်ထမင်းပြင်ဆင်ပေးနေပြီ။ ကျန်တဲ့ အဖွဲ့တွေ ကင်းသမားက လွဲလို့ အားလုံး ထမင်းစားတော့ ကျန်အဖွဲ့လိုက်ကို လှမ်းပြီးအချက်လေး ဘာလေး ပြလိုက်တော့ လို့ခိုင်းလိုက်ရတာပေါ့။ အခုလိုခါမျိုးတော့ တစ်ယောက်ထဲစားတာပေါ့။ ကျန်အချိန်ဆိုရင် တပ်ခွဲက အရာရှိအငယ်တွေနဲ့ ဆရာကြီးတွေ တစ်ခါတစ်ခါ စုစားရင်း အတွေ့ကြုံလေးတွေဖလှယ်ကြပေါ့။ မိုးရွာနေတော့ တစ်ခုကောင်းတယ် ဆေးဖို့ကြောဖို့ရေ ခပ်နေစရာမလိုဘူး။ အမိုးလုပ်ထားတဲ့ မိုးကာစ တစ်ဖက်ကို ခဏနိမ့် ထားပြီး ရေအိုင်လာတာနဲ့ လျှောချလိုက်ရုံပဲ။ ပန်းကန်ဆေးခွက်ဆေး အိုကေပဲ။

ကိုယ်ကတော့ ထိုင်ရင်းစားပေါ့။ ကျန်အဖွဲ့တွေကတော့ အခုလိုအချိန်ဆို မိုးတိုးမတ်တပ်စားတဲ့သူနဲ့ ကိုယ်ပေါ်ကို မြေခင်း မိုးကာခြုံ ဆောင့်ကြောင့်ထိုင်ပြီး ဖြစ်သလိုအမြန်စားလိုက်ကြတာကများပါတယ်။ ခဏနေတော့ ဆရာကြီးတစ်ယောက်က ဝါးဆစ်ဘူး ခွက်လေးကိုင်ပြီးလာပေးတယ်။ ဗိုလ်ကြီး ရေနွေးပူပူလေး သောက်လိုက်ဦး ….တဲ့။ ကဲ မိုးဒီလောက်ရွာနေလည်း ရေနွေးပူပူကို ထမင်းစားချိန်လေးမှာ ရအောင်လုပ်လိုက်နိုင်သေးတယ်။ မိမိတို့စစ်သည်များအတွက်တော့ ထမင်းစားပြီးချိန် အခုလို ရာသီဥတုမိုးအေးအေးထဲမှာ ရေနွေးပူလေး တစ်ခွက် သောက်လိုက်ရရင် ခြေဖျားလက်ဖျားအေးနေတာလေးတွေ တစ်ခဏချင်း နွေးသွားသလိုခံစားရသလို နေသာ ထိုင်သာလည်းရှိသွားတတ်ပါတယ်။ အလုပ်တစ်ခုတော့ပြီးသွားသလို ခံစားလိုက်ရပါတယ်။ ဟုတ်တယ်လေ ထမင်းစားချိန် ခရီးသွားချိန် ရေချိုးချိန်တို့ဆိုတာ အစိုးမရဘူးလေ။ ဘာဖြစ်စဉ်မှ မဖြစ်ရင်စိတ်အေးရတာပေါ့။ တစ်ခါတစ်ခါ အချိန်ကျလို့စားလိုက်ရပေမယ့် တာဝန်တစ်ခုလုပ်လိုက်ရသလိုပဲ စိတ်က မှတ်ယူထားတတ်မိတယ်။ အခုလည်း တပည့်ကျော် (၃/၄)ယောက် လက်ရွေးစင်ခေါ်ပြီး လက်စွဲတော် MA-3 လေးကို တင်းတင်း ဆုပ်ကိုင်ရင်း အောက်ဘက်ကိုဆင်းဖို့ပြင်ရတယ်။ ထမင်းစားပြီးချိန်ဆို ကင်းသမားအပါအဝင် အချို့သော ရဲဘော်လေးများက ထမင်းလုံးစီတတ်ကြတယ်လေ။ ဒီတော့ အဲဒီအချိန်ကို အလစ်ငိုက်ယူပြီး ကင်းစစ်ရင်း သူတို့ကို နိုးကြားနေအောင် လုပ်ပေးရင်း မိမိကတော့ နားချိန်မယူဘဲ လှုပ်လှုပ်ရှားရှားသွားပေး လူယောင် ပြပေးရတာပေါ့။ မိုးကရွာရွာ မြေသားတွေက ရေတွေစီးလို့ တောင်ဆင်းတောင်တက်တွေမှာ တဘုန်းဘုန်း ချော်လဲကြတာပေါ့။ ဘိုင်းကနဲချော်လေး လူက ပက်လက်ကားယားနဲ့ လျှော တိုက်ပါသွားကြပေမယ့် လက်က သေနတ်ကိုအပေါ်ထောင်လျက်ပဲ။ လူက လဲကျလို့ ရွှံ့ဗွက်စင် ရေတွေရွဲစေဦးတော့ သေနတ်တော့ အထိမခံဘူးလေ။………………..

@@@ by နေလွမ်းသူ
Sunday, December 27, 2009

မိုးရေစိုစိုအောက်က တချို့သောနေ့ရက်များ

တပ်ခွဲမှူးတွေ အဘခေါ်တယ် ဆိုတဲ့အကြောင်း IOညီလေးလာပြောတာနဲ့ တပ်ရင်းမှူးတဲနဲ့ မလှမ်းမကမ်းမှာ စုံအောင်စောင့်လိုက်ကြတယ်။ ခဏနေ တပ်ခွဲမှူးတွေစုံပြီဆိုတာနဲ့ သူ့ဘေးမှာအဖီဆွဲထားတဲ့ ဝါးစားပွဲ ခုံတွေရှိတဲ့အစည်းဝေးတဲလေးထဲမှာ အသင့်စောင့်နေတဲ့ တပ်ရင်းမှူးကို အလေးပြုပြီး ဝင်လိုက်ကြတယ်။ အနီးဆုံးက စီနီယာတပ်ခွဲမှူးကို လက်ထဲကကြေးနန်းမှတ်တမ်းကြီး ထိုးပေးရင်း စကားစပါတယ်။ တပ်ခွဲမှူးများအားလုံး နားထောင်ပါ လာမယ့် (--)ရက်နေ့မှာ ထီးထဘက်ကိုသွားမယ့် တိုင်းတပ်နဲ့အတူ အင်အားဖြည့်(ပေးအဖွဲ့)တက်လာမယ်။ အခုကတည်းက ကိုယ့်ညီတွေကိုတပ်ခွဲလိုက် လမ်းကင်းအပိုင်းတွေ ခွဲထားပေးချင်တာရယ် တိုင်း/တပ်မက ချပြလာတဲ့ သတင်းနဲ့ ညကခ လေးတွေပြောချင်လို့ ခေါ်လိုက်တာ…..ဆိုပြီး အစပြုလို့ နယ်မြေဒေသအခြေအနေ လိုက်နာရမယ့် ဆောင်ရန်/ ရှောင်ရန်တွေ တသီတစ်တန်း ကြီး ပြောပြ လာပါတော့ တယ်။ တပ်ခွဲလိုက် လူ/လက်နက် အခြေအနေ ကိုယ်စီ တင်ပြ တစ်ခြား လုပ်ချင်တာ လေးတွေ ဆွေးနွေးကြ၊ တပ်ခွဲလိုက်လမ်းအရှည်ကို တွက်ချက်ပိုင်းကြ၊ ဧရိယာသတ်မှတ်ကြနဲ့ အားလုံးပြီးစီး အိုကေပြီဆိုတာနဲ့ အေး ကောင်းပါပြီ တစ်ခြားသတင်းပို့စရာ မရှိရင် ပြန်နားကြတော့ ဆိုတဲ့ အသံနဲ့အတူ အလေးပြုပြီး ထွက်လာခဲ့ကြတယ်။
ပေးအဖွဲ့လာတော့မယ်ဆိုတဲ့သတင်းကိုကျွန်တော်တို့လိုလူပျိုအရာရှိတွေမှအပကျန်စစ်သည်လူပျိုအစတပ်ရင်းမှူး အဆုံး အားလုံးကတော့ မျှော်လင့်ချက်တွေကိုယ်စီနဲ့ ပျော်ရွှင်နေကြမှာပေါ့။ အိမ်ထောင်သည်တွေ ဆိုတော့ နောက်တန်းမြေက ဇနီး သားသ္မီးတွေဆီက စာလွှာလေးတွေနဲ့အတူ ရှေ့တန်းမှာ စားဖို့ အကြော်အလှော်၊ကြိုက် တတ်တဲ့အခြောက်အခြမ်းလေးတွေ၊ ဆေးဝါးလေးတွေ ပါလာတော့မယ်လေ။ စစ်သည်လူပျိုတွေကျတော့ လစာ ငွေအချို့တစ်ဝက်/ နောက်တစ်ဝက်ကျ လစာမထုတ်ခင်ကတည်းက သူ့တပ်ခွဲလိုက်က လစာကြပ်ကို စက်နဲ့ ကြိုပြီး လှမ်းမှာထားကြတယ်။ လစာထဲကငွေနဲ့ ဘာလေးဝယ်ပေးပါ၊ ဘယ်သူနဲ့ဘယ်သူတွေထဲက ငါးခြောက် လေး အကြော်လှော်လေးလုပ်ပေးပါဆိုပြီးမှာထားတော့ သူတို့အတွက်လည်း ကိုယ်စီကိုယ်ငှ ပါလာကြပါတယ် ဆိုတော့ အားလုံး တက်ကြွစွာ မျှော်လင့်နေကြပြီလေ။

မောင်နန္ဒအောင် တို့ လူပျိုအရာရှိတစ်စု (IO/AQ) အပါအဝင် တပ်စုမှူးညီငယ်များကျတော့ ဘယ်လိုလုပ် အဲလို မှာလို့ရမလဲလေ။ လစာက ကိုယ့်ချက်လက်မှတ်နဲ့ကိုယ် အင်းဝဘဏ်မှာ ထုတ်ကြရတော့ လကုန်လစာထဲက ဖြတ်ပါပြောရအောင် တပ်ရင်းကိုမှ လစာမဝင်တာကိုး။ တပ်ရေးဗိုလ်ကြီးခမျာ တစ်ယောက် နှစ်ယောက်ဆိုလည်း တတ်နိုင်သေးတယ် အခုကျ သူ့မှာလည်း နောက်က မိန်းမဆီက တောင်းသုံးနေရတာမျိုးဆို ဘယ်လိုလုပ်ပါ့မလဲ။ အိမ်တွေကလည်း ပို့ပေးလို့ကမရ အားလုံးက တပ်နဲ့ဝေးရာတွေကချည်းပဲလေ။ မန္တလေးဘုရားကြီးနားက ညီငယ် တစ်ယောက်ပဲ သူ့အိမ်က တပ်ရေးဗိုလ်ကြီးဆီထိ တကူးတကလာပို့ပေးတော့ ပေးအဖွဲ့လာတိုင်း ပါလာတတ် တာ။ အစားအစာက ထားတော့ အမောပြေအပန်းပြေ စာလေးဘာလေးကျလည်း တပ်တစ်တပ် ပေးတက်မယ့် အချိန်မှ စာကို တပ်ရေးဗိုလ်ကြီးဆီ အချိန်ကိုက်ပို့ပေးနိုင်မှ ရှေ့တန်းထိပါလာတာမျိုးဆိုတော့လည်း ဘယ်သူမှ ကိုယ့် အိမ်ကတို့ ချစ်သူရည်းစားဆီကတို့ ဘာစာမှ ပါမလာနိုင်တော့ဘူးလေ။ ဒီတော့ ထူးကဲပြီးလည်း ပျော်ရွှင် မျှော်လင့်မနေကြတော့ဘူးပေါ့။

တပ်ခွဲလိုက် နယ်လမ်းပိုင်းလေးတွေ ပိုင်းယူလိုက်ကြတယ်။ မိုးတွင်းဆိုတော့ ဒုက္ခတော့ရောက်ဦးတော့မှာပေါ့။ မိုးကတဖွဲဖွဲ လမ်းကရေတွေစီး ရွှံ့ဗွက်ထဲချော်လဲတာမျိုး လူတွေလည်း မိုးကာခြုံထားပေမယ့် ကြွက်စုတ်လေး တွေ ဖြစ်လို့။ အဓိကအခက်အခဲက လမ်းဘေးတောင်ကုန်း စခန်းလေးတွေပေါ်မှာ အပေါ်ကမိုးဖွဲဖွဲ အောက်က မြေက စိုစိစိမှာ ထမင်းချက်ရတဲ့စစ်သည်တွေရဲ့ ပြသနာပါ။ ထင်းစ ဝါးစတွေက မိုးရေကြောင့် စိုတာထက်ကို နူးလို့။ ဒါလည်း မြေကျင်းလေးတွေတူး ဖိနပ်ကရာဘာခုံ အသားကို ဓါးနဲ့လှီးဖဲ့ယူပြီး မီး ရအောင်မွှေး ချက်ကြ ပြုတ်ကြတာပါပဲ။ လ္ဘက်ရည်ပူပူလေးတောင် ပါလိုက်သေးတယ်။ ကိုယ့်လမ်းပိုင်း အန္တရာယ်ကင်းအောင် အဖွဲ့ လိုက်ကို နေ့ညချထားပြီး လှုပ်ရှားပါထားလိုက်တော့တယ်။ မိမိတို့ကိုယ်တိုင်လည်း ဟိုအပိုင်းကနေ ဒီအပိုင်းသွား လိုက် စစ်လိုက်ပေါ့။ ဒီလိုမှ မဟုတ်ရင် အလစ်လေးနဲနဲလေး ပေးလိုက်တာနဲ့ ရန်သူက လမ်းပေါ်တက်ပြီး မိုင်းထောင်သွားမှာလေ။ တပ်တွေကိုယ့်နယ်မြေ လမ်းပိုင်းက ဖြတ်သွားတဲ့နေ့မှ ဂျိမ်း ဆိုပြီးမိုင်းတစ်လုံးကွဲတာနဲ့ အဲဒီလမ်းပိုင်းမှာ တာဝန်ရှိတဲ့တပ်ခွဲမှူး ရှင်းပေဦးတော့။

ကိုယ်အသုံးမကျလို့ မိုင်းကွဲတာ မိမိတာဝန်ယူထားနေပါလျက်က ကွဲရလေချင်း ဆိုပြီး ကိုယ်တိုင်လည်း မကျေ မနပ်ဖြစ်ရမယ်ဆိုတော့ အခုလိုတာဝန်စယူပြီဆိုကတည်းက ရန်သူ(လူ)မပြောနဲ့ တောကြက်၊ တောကောင် တောင် အဖြတ်မခံတော့ဘူး။ ဘယ်အဖြတ်ခံမလဲနော် ဖြတ်တာတွေ့တာနဲ့ ပစ် ပဲ။ ဒါမှ အူစိုမှာလေ။ ခက်တာက ဒီလိုမိုးတွင်း ဘာတောကောင်မှ သိပ်မထွက်တော့လည်း မိုးရွာရွာထဲမှာ ထုံးစံအတိုင်း မျှစ် ဟင်းမျိုးစုံ ငရုပ်သီးရဲရဲ ထမင်းပူပူလေးနဲ့ ရေနွေးကြမ်းပူပူ ဝါးဆစ်ဘူးလေးရယ် ပေးအဖွဲ့နဲ့တပ်တွေ တက်လာမယ့် ရက်ကို စောင့်စားရင်း လမ်းပေါ်မှာအိပ်လိုက် ကုန်းစခန်းပေါ်အိပ်လိုက် လမ်းဘေးသစ်ပင်မှာ ပုခက်ဆင် အပေါ်မှာ မြေခင်တင်းရင်း မိုးစဲနေ့ မိုးရွာနေ့ တွေနဲ့ တောင်ခိုးတွေတလူလူအကြားမှာ တောင်တောင်သဘာဝနဲ့ အထာကျ တစ်ချက် မကျတစ်ချက် မိုးမှောင်နေ့တွေ အကုန်မြန်အောင် ရေတွက်ရင်း…………

@@@ By နေလွမ်းသူ
Sunday, December 20, 2009

သံယောဇဉ် အမျှင်တန်း မိရင်ဖြင့်

နောက်ဆုံးအနေနဲ့ တပ်ရင်းရုံးကိုသွားပြီ တပ်ရေးဗိုလ်ကြီးနဲ့ လစာကြပ်အဖွဲ့၊ ကျန် ရုံးအဖွဲ့တွေကို နှုတ်ဆက် လိုက်တယ်။ တပ်ရင်းမှူးအပါအဝင် ဒုတပ်ရင်းမှူး နဲ့ တပ်တစ်တပ်လုံးက မန္တလေးမြို့တွင်း လုံခြုံရေးတာဝန် ထမ်းဆောင်နေကြရတာကိုး။ ဒီလိုပါပဲ တပ်တွေက ရှေ့တန်းကပြန်လာလို့ နောက်တန်းမြေမှာ ပြည့်ပြည့်ဝဝ နားတယ်ဆိုတာ မြို့နေလူထုအကြားမှာ လုံခြုံရေးတစ်ရပ်လုပ်ပေးရင်း အနားယူတယ်လို့ပဲ ပြောရတော့မှာပေါ့။ ကားသမားနဲ့အတူ လိုက်ပို့မယ့် အကူ ရဲဘော်လေးက ကားနားမှာအသင့်စောင့်လို့ ။ မိမိစာရွက် စာတမ်း ထည့် ထားတဲ့ ဖိုင်လေးကို ပိုက်လို့ ဗိုလ်နန္ဒအောင် တစ်ယောက် ၄ နှစ်ခွဲတာ နေထိုင်သံယောဇဉ်တွယ်ခဲ့ အရာရှိ ရိပ်သာကြီးကိုတစ်ချက်ပြန်ကြည့်လိုက်တယ်။ ရင်ထဲမှာတော့ ဆို့နင့်နေသလိုလိုကြီးပါ။ ဟုတ်တယ်လေ။ ကျောင်း ဆင်းစ ဒုဗိုလ်ဘဝ အရာရှိပေါက်စ အတွေ့အကြုံတွေကို မိခင်တပ်ဆိုတဲ့ ဂုဏ်နဲ့အညီ ဒီတပ်ကြီးနဲ့အတူ အရာရှိ စစ်သည်အားလုံးက နေသား တစ်ကျ ဖြစ်အောင် သိအောင်တတ်အောင် သင်ပေးခဲ့တာလေ။ အခုဒီမြေဒီတပ် ဒီဒေသကနေ အမြဲတမ်းပြောင်းရွှေ့အမိန့် ဆိုတာ ကြီးကျလာပြီး ခွာရဦးတော့မှာပေါ့။ စစ်သားဘဝဆိုတာ ဒီလိုပါ ပဲကွာဆိုတဲ့ စီနီယာကြီးတွေ ပြောဆိုဆုံးမ ခဲ့တဲ့အတိုင်းပါပဲ။ ပစ္စည်းတွေစုံပြီးလား တပည့်ကျော်လို့ တစ်ချက် လှမ်း မေးအပြီးမှာပဲ ဦးဗိုလ်ကြီး ဦးဗိုလ်ကြီး ဆိုပြီး ဂါဝန်နီနီလေးနဲ့ ၆နှစ်အရွယ် ကလေးလေး သက်သာဆိုင်ဘေးလမ်းကနေ ပြေးတက်လာနေပါတယ်။ ဟာဟိုမှာပြေးလာနေတဲ့သူ အဲဒါ(မိမိပါးစပ်အဟောင်းသားနဲ့ ရေရွတ်မိတုန်းရှိသေး)။ဟုတ်တယ် ဗိုလ်ကြီး အဘငြိမ်းအောင်နဲ့ အန်တီမြ တို့က ကလေးအဖေနဲ့အမေအတွက် ကုသိုလ်ပြန်လာလုပ်ပေးလို့ ကလေး ကလည်း ဒီတပ်ကို ခဏပြန်ချင်တယ် ဆိုလို့ ပိုးပိုးလေး မနေ့ကတည်းက ပြန်ရောက်နေတာ.....တဲ့။

ပြေးပြီးမိမိဆီဝင်လာတဲ့ ကလေးကို ပွေ့အချီလိုက်မှာ ပါးပြင်ကို အတင်းနမ်းလာပါတယ်။ မျက်ရည်တွေက စီးလို့ ဦးဗိုလ်ကြီးလည်း ဟိုးအဝေးကြီးကိုပြောင်းရတော့မှာဆို ဟုတ်လား။ ဦးဗိုလ်ကြီးလည်း ပိုးပိုးကို ထားခဲ့ပြန်ပြီပေါ့ အဟီးဟီး ဆိုပြီး တရစပ်ပြောလည်းပြော ငိုလည်းငိုပါတော့တယ်။ စိတ်တွေတင်းထား တဲ့အကြားက ကျွန်တော့် မျက်ဝန်းထဲမှာ မျက်ရည်တွေဝေ့လာပါတယ်။ မေကြီးထားခဲ့ပြီးမကြာဘူး ဖေကြီးက ထားသွားခဲ့တယ် အခုလည်း ပိုးပိုး ချစ်တဲ့ ဦးဗိုလ်ကြီးကလည်း အဝေးကြီးကိုပြောင်းသွားတော့မှာ ဟီးဟီး ဦးဗိုလ်ကြီးနဲ့အတူ ပိုးပိုးလည်း လိုက်မယ်….တဲ့။ မဟုတ်ဘူးလေ သမီး ပိုးပိုး ဦးဗိုလ်ကြီးတို့က တာဝန်အရသွားရမှာလေ။ သမီးက ရန်ကုန်မှာ ကျောင်းတက်ရဦးမှာလေ။ အခုတောင် သမီးအတန်း စာတွေ ပျက်နေပြီမို့လား။ ဒီလိုလာလို့…. ဦးဗိုလ်ကြီး သမီး ပိုးပိုးတို့ရန်ကုန်လိပ်စာကို သိနေတာပဲ နောက်ကျ လာလည်မှာပေါ့နော်။ သမီးလည်း စာတွေအများကြီး သင်ရ ဦးမယ်လေနော်။ စစ်သားတွေ စစ်သားအလုပ် လုပ်နေကြတာ။ သမီးကျောင်းသားက ကျောင်းသားအလုပ် လုပ်ရမယ်လေ ။ ဦးဗိုလ်ကြီး ရိပ်သာမှာ အမြဲပြောခဲ့တာ မေ့သွားပြီ လား …. ဆိုတော့ အဲဒါတော့ အဲဒါပေါ့ အဟီးဟီး… ဆိုပြီး မျက်ရည် က မတိတ်တော့ပါဘူး။ ကဲပါ မငိုနဲ့တော့နော်။ သမီးက လိမ္မာတယ်။ တိတ်တိတ်..ဆိုပြီး ကိုယ်တိုင်လည်း မျက်ရည်ကို သုတ်ပြီး ကလေးကိုပါ ဖွဖွလေး ဖယ်ပေးလိုက်တယ်။ ကျွန်တော် သက်ပြင်း တစ်ချက်ချလိုက်မိ ပါတယ်။ သံယောဇဉ် အမျှင်တွယ်မိရင်ဖြင့် ဆိုတဲ့ ဓမ္မကဗျာလေး တစ်ပုဒ် ကိုလည်းချက်ချင်း ပြန်သတိရမိလိုက်တယ်။ ကိုယ်တိုင်က ခိုင်မာမြဲမြံစွာသံယောဇဉ် တွယ်ငြိပြီး ဖြစ်နေပြီဖြစ်တဲ့ မိခင်တပ်၊အရပ်ဒေသ၊မိမိနဲ့အတူကောင်းတူဆိုးဖက် နောက်တန်းလည်းနောက်တန်းမို့ ရှေ့တန်းလည်းရှေ့တန်းအလျောက် လက်တွဲခဲ့တဲ့ အရာရှိ/စစ်သည်တွေ၊ မိမိတို့ အရာရှိငယ်တွေကို ရပ်ဆွေရပ် မျိုးလို စောင့်ရှောက်ခဲ့ကြ၊ တတ်အားသရွေ့ကူညီပေးခဲ့တဲ့ မိသားစုဝင်တွေ အားလုံးကို ကျောခိုင်းပြီးနောက်တပ် အသစ်ကို ပြောင်းရွှေ့ရတော့မှာဖြစ်လို့ ဆို့နင့်စွာခံစားနေရတဲ့ ဝမ်းနည်းမှုတွေအားလုံးကနေ မျက်ရည်အဖြစ် အသွင် မပြောင်းအောင် အထိန်းခက်ခက် ထိန်းနေလျက်က ဒီကလေးလေးကို ရုတ်တရတ်ပြန်မြင် လိုက်ရပြီး သူ့ ဦးဗိုလ်ကြီး ဆိုတဲ့သူကို လာနှုတ်ဆက်ရှာတဲ့ အရွယ်နဲ့မမျှ အောင်စကားတတ် ရှာတဲ့ ပိုးပိုးလေးရဲ့စကားသံတွေနဲ့ ရှိုက်ကြီးတငင် ငိုလာတော့ ထိန်းမရတဲ့ ဝမ်းနည်းမှုက (ယောက်ျားကြီးတန်မဲ့) မျက်ရည်ကျလာစေခဲ့တယ်။

ပိုးပိုးလေး ဆိုတာက သူ့ကိုမွေးပြီးတာနဲ့ သူ့အမေကဆုံးပါသွားခဲ့တာပါ။ မီးတွင်းထဲမှာ မိခင်ဆုံးပါးသွားရှာတဲ့ ပိုးပိုးလေးကို တပ်တစ်တပ်လုံးက ဂရုဏာစိတ် ယိုဖိတ်စွာနဲ့ လူတိုင်းက ချစ်ခင်စောင့်ရှောက်ခဲ့ကြပါတယ်။ ကလေး စကားမပြောတတ်ပြောတတ် အရွယ်မှာ ကျွန်တော်တို့ ရိပ်သာကို အမြဲလိုလိုသူ့အဖေ တပ်ကြပ်ကြီး မြင့်အောင်နဲ့ ပါပါလာတတ်ရာကနေ ကျွန်တော်တို့အားလုံးရဲ့အချစ်တော်ဖြစ်ခဲ့ရသလို အဲဒီအထဲမှာမှ ကလေး ချစ်တဲ့ ကျွန်တော်နဲ့ ကိုသီဟအောင်က လိုလေသေးမရှိ လုပ်ပေးသလို တပ်ထဲသွားလေရာ ခေါ်သွားတတ်လေ တော့ ပိုပြီးသံယောဇဉ်တွယ်ရှာပါတယ်။ လွန်ခဲ့တဲ့ စစ်ဆင်ရေးရှေ့တန်းမြေမှာ ကံကြမ္မာမုဆိုးရဲ့ ထပ်မံနှိပ်စက်မှု လေလား အတိတ်ကဝဋ်ကြွေးကြောင့်ပေးလား မသိ။ ပိုးပိုးလေးရဲ့ ဖခင် ဆရာကြီးမြင့်အောင် တစ်ယောက် ရန်သူ့ မိုင်းနင်းမိပြီး ဘယ်ခြေတစ်ဖက် စွန့်လွှတ်လိုက်ရပါတယ်။ သူ့အမေဆုံးသွားတာနဲ့ နောက်တစ်နေ့ တပ်ရင်းက မိသားစုတော်တော်များများအပါအဝင် တပ်ရင်းမှူး၊ဒုတပ်ရင်းမှူးနဲ့ မန္တလေးမြို့ထဲက အသိတွေက အစ မွေးစား ဖို့ ဆိုပြီး သူ့အဖေ ဆီကနေ ပိုးပိုးလေးကို တောင်းခဲ့တာကို မပေးခဲ့တဲ့ ဆရာကြီး မြင့်အောင်တစ်ယောက်က နောက်ဆုံးရန်ကုန်ပြောင်းပြီး အရပ်ဘက်ဝန်ထမ်းအဖြစ်ကနေ အနားယူလိုက်တဲ့ သူရဲဘော်ဘဝက အတူတူ နေခဲ့တဲ့ သူ့ဆရာ တပ်ရင်းမှူး(အငြိမ်းစား) လင်မယားကို အမွေစားအမွေခံအဖြစ် ပိုးပိုးလေးကိုပေးလိုက်ခဲ့ပြီး သူကိုယ်တိုင်က အရက်ကိုနေ့ရောညပါ သမီးစိတ်၊ဝေဒနာစိတ် တွေနဲ့ ဖိသောက်ရင်း အရက်ရဲ့ကျေးကျွန်ဖြစ်ကာ လွန်ခဲ့သော နှစ်ကတည်းက ဆုံးပါးသွားခဲ့ပြီလေ။

အဘ(ရင်းမှူးအငြိမ်းစား) လင်မယားက ကလေး အဖေနဲ့အမေအတွက် နှစ်လည်ကုသိုလ်ကို ကျောင်းခွင့်ရက် ယူပြီး ဒီတပ်မှာပဲ ပြန်လာလုပ်ပေးတဲ့အတွက် ပိုးပိုးလေး တပ်ကိုခဏပြန်လာခွင့်ရခဲ့ပါတယ်။ အဲဒါနဲ့လိုင်းခန်း ထဲမှာ ကျွန်တော်ပြောင်းရွှေ့ရတော့မယ်ဆိုတာ ပြောသံကြားလို့ လာနှုတ်ဆက်တဲ့အချိန် တပ်ရင်းရုံးက ကိစ္စတွေအပြီး ကားပေါ် ပစ္စည်းတွေ တင်အပြီး ထွက်တော့မယ်ပြင်နေတဲ့ ကျွန်တော်နဲ့ ကံကောင်း ထောက်မစွာသွားတိုး ပါတော့တယ်။ တပ်ရင်းမှာသံယောဇဉ်အဖြစ်ဆုံး၊ ဂရုဏာအသက်ဆုံး ကျွန်တော်တို့ အားလုံးရဲ့ အသည်းစွဲ ပိုးပိုးလေး အခုတော့ ခြေထောက်လေးမှာ ဖုချိန်းသေးသေးလေးဆွဲထားလို့ မြို့မှာ ခေတ်နဲ့အညီ ချမ်းသာတဲ့ မိသားစုအိမ်ယာမှာ နေရပြီဆိုတော့လည်း ဝတ်ထားတဲ့ပုံစံလေးတွေကအစ အရင်က ကျွန်တော်တို့တွေ ဝယ်ပေးခဲ့တဲ့ အင်္ကျီအညံ့စားတွေနေရာမှာ နူးညံ့ပျော့ပြောင်းပြီး ရနံ့လေးတွေသင်းပျံ့နေတဲ့ အဝတ်အစားလေးတွေ လက်ပတ်နာရီသေးသေးလှလှလေးပတ်ထားလျှက်နဲ့ တကယ့်ကို သူဌေးမိသားစုရဲ့ ကလေးလေးပုံစံပေါက်သွားတော့ သူ့အဖေ ဆရာကြီးမြင့်အောင်ကိုပါ ဝမ်းနည်းစိတ်နဲ့ဖျက်ကနဲ သတိ ရလိုက်မိသလို ရင်ထဲမှာ ကလေးအတွက်လည်း ကျေနပ်ဝမ်းသာမှု မိမိကိုယ်တိုင် ခွဲခွာရတော့မယ်ဆိုတဲ့ ခံစားမှု စိတ်မကောင်းမှုတို့ တစ်ပြိုင်ထဲ ရင်ထဲမှာခံစား လိုက်ရပါတယ်။ ပိုးပိုးလေးရဲ့မျက်နှာလေးကို နောက်ဆုံး တစ်ချက်ကြည့်ပြီး ဖောင်းကစ်ကစ်ပါးအစုံလေးကို တစ်ချက် မွှေးလိုက်ပြီး ဦးဗိုလ်ကြီးက ဟိုးအဝေးကြီးထိ သွားရဦးမှာ နောက်ကျနေမှာစိုးလို့ သွားတော့မယ်နော်။ သမီးက လိမ္မာပါတယ်။ စာတွေ ကြိုးစားနော်။ ဦးဗိုလ်ကြီးသင်ပေးခဲ့တာတွေလည်း မမေ့နဲ့ (သြကာသနဲ့ တစ်ချို့ ကဗျာလေးတွေပါ)ဒေါက်တာမကြီးဖြစ်အောင်လုပ်မယ်လို့ ရိပ်သာမှာ ဦးဗိုလ်ကြီးတို့ကို ပိုးပိုးလေး ပြောခဲ့တာ မေ့သွားပြီလား။ ဆိုလိုက်တော့ ခေါင်းလေးရမ်းပြီးပြန်ဖြေရှာတယ်။အဲဒါဆို ရန်ကုန်ပြန်ရောက်တာ နဲ့ ကျောင်းစာတွေကို ကြိုးစားနော်။ ဦးဗိုလ်ကြီး အားတဲ့တစ်နေ့ ရန်ကုန်မှာ သမီး ပိုးပိုးလေးကို လာတွေ့ မယ်။ ဟုတ်ပြီလား။ မငိုနဲ့တော့နော် သမီးကလိမ္မာတယ်။ …ဆိုတော့ ဟင့် ကနဲ့ တစ်ချက်ရှိုက်လို့ အငို မျက်နှာလေး တစ်ခဏချင်းတည်သွားပါတော့တယ်။ လစာကြပ်တစ်ယောက် ရိပ်သာဘက်ကိုလာနေတာနဲ့ ဆရာမောင်မျိုး လာဗျာ ပိုးပိုးလေးကို ခေါ်သွားပေးပြီး အဘတို့ဆီ ပြန်ပို့ပေးလိုက်ပါ လို့ဆိုလိုက် ချိန်မှာပဲ။ ဦးဗိုလ်ကြီး..ဆိုပြီးကျွန်တော့်ကိုတစ်ချက်ဖက်တွယ်ပြီး မျက်ရည်တွေ ကောင်းကောင်းမခြောက်သေးတဲ့ သူပါးလေးနဲ့လာကပ်လို့ ကျွန်တော့်ပါးပြင်ကို လာမွှေးရှာပါတယ်။ ကျလာဦးမယ့် မျက်ရည်ကိုပြန်ထိန်းရင်း ဆရာမောင်မျိုးဆီကို ပွေ့ချီလျက်နဲ့လှမ်းပေးလိုက်ပြီး မိမိကိုယ်ကိုယ်တိုင်က နောက်ကိုလှည့်မကြည့်မိအောင် ကြိုးစားပြီး ကားပေါ်ဝင်ထိုက်လိုက်တယ်။ ကဲ မောင်းတော့ ဆရာတင်ငွေရေ လို့ကားဆရာကို ပြောလိုက်ရင်း မိမိပြောင်းရွှေ့ရတဲ့တပ်တည်ရှိရာ ဒေသအသစ်ဆီ ရထားတစ်တန်ကားတတန်နဲ့ ထပ်မံ ခရီးချီဆက်ဖို့…………

@@@ နေလွမ်းသူ
Friday, December 18, 2009

ဝေဒနာအပိုင်းအစလေးများ (လွယ်လန်းဒေသ)

မင်းက မနေ့တနေ့ကမှ စစ်တပ်ထဲရောက်လာပြီး ပေါက်ကရတွေလာပြောမနေနဲ့ ဟေ့ကောင် ဒီမှာ မင်းထက် စစ်သက်ရောအသက်ပါအကုန်ကြီးတဲ့သူတွေကြည့်ပဲကွ အဲဒါမင်းနားလည်လား.....ဆိုတဲ့ဆရာကြီး တစ်ယောက် ရဲ့ သူ့အောက် တပည့်တစ်ယောက်ယောက်ကို ပြောနေတဲ့အသံကဟိန်းထွက်လာတယ်။ နေရာ လွယ်လန်း စခန်းပွိုင့်ကုန်း။ လွယ်လန်းဒေသ မှာရှိတဲ့ နယ်စပ် စခန်းတစ်ခုပေါ့။ လွယ်လန်း၊လွယ်မဆုတ် တြိဂံဒေသ ရဲ့နယ်စပ် လုံခြုံရေးဒေသအပိုင်းတွေတစ်ချို့ကို အောင်မြေ(၁၊၂၊၃)အစသဖြင့် သတ်မှတ်ထားပါတယ်။ စခန်း ကုန်းတိုင်းကတော့ သိတဲ့အတိုင်း တောင်ကုန်းပြောင်ပြောင်ထိပ်တွေမှာကြည့်ပါပဲ။ တစ်ချို့စခန်းတွေရဲ့ မျက်နှာ ချင်းဆိုင် စကားတခေါ်ပြောအကွာအဝေးမရှိတရှိ၊ မီတာ ၁၅၀/၂၀၀အတွင်း တစ်ဖက်နိုင်ငံယိုးဒယားတပ် စခန်းတစ်ချို့လည်း ရှိနေတတ်ပါတယ်။ သူတို့တွေကတော့ အင်အားလည်း နည်းနည်းချထားသလို တစ်ချို့ တပ်ဖွဲ့တွေက အမြဲတမ်းစစ်တပ်မဟုတ်တဲ့ ယူနီဖောင်း အနက်ဝတ်(ကြေးစား) တွေဖြစ်ချင်ဖြစ်နေတတ်ပါတယ်။ ဒီတော့သူတို့အတွက် အုပ်ချုပ်ထောက်ပံ့မှုက အင်အားနည်းသည့်အပြင် ခေတ်လည်း တော်တော်မီတဲ့ အနေအထားဖြစ်တော့ မိမိစစ်သည်များအမြင်မှာတော့ တော်တော်လေးကို အားကျစရာဖြစ်နေစေတာ မဆန်းပါဘူး။

စခန်းပေါ်ကို ရိက္ခာလာပို့ရင် တစ်ပါတ်စာ ရိက္ခာစိုတွေကို ရဟတ်ယာဉ်နဲ့ လာချပေးပါတယ်။ ဘီယာအရက်၊ ခေါက်ဆွဲ၊ အသားဗူးတွေဆိုတာတော့ မမြင်ချင်မှအဆုံးပေါ့။ တစ်ချို့တပ်ဖွဲ့ရဲ့ အနေ အထားအလိုက် ပျော်ပါးဖို့ မိန်းကလေးတွေပါ ပါလာတတ်ပါတယ်။ ဒီတော့ သူတို့စစ်သားတွေအတွက် ရှေ့တန်းစခန်းဆိုတာက ဘုံစခန်း နန်းတမျှပေါ့လေ။ ဒါတွေကို အားကျစရာတော့ မကောင်းပေမယ့် အစားအသောက်တွေ လက်ဆက်နေတာ အချိုရည်မျိုးစုံတွေ update ဖြစ်အောင်ပို့ပေးနိုင်တာကိုတော့ အားကျမိသားလေ။ ဒီဘက်မှာက စားရတဲ့ဆန်က လပေါင်းများစွာ စုပုံသိုလှောင်ထားတဲ့ ရိက္ခာဆန်၊ ကုလားပဲ(ဘာပိုးသတ်ဆေးမှ မသုံးဘူးနော်) အဲဒီတုန်းကတော့ အဟောင်းစားရတာမျိုးလည်းရှိခဲ့တယ်။ အခုနောက်ပိုင်းကျ အသစ်ကိုလှောင် အဟောင်းကုန်အောင်စားတော့ စုပုံသိုလှောင်ရိက္ခာ ဟောင်းတယ်ဆိုတာ မရှိတော့ပါဘူ။ ဆီ၊ဆား အပါအဝင် တစ်ခြား ဟင်းချက်ရင်သုံးတဲ့ အဆာပလာလေးတွေပေါ့။ အသား၊ ငါးဆိုတာကတော့ ဘယ်လိုလုပ် ဝယ်စားနိုင် မလဲ။ ဒီလိုတောထဲမှာ ရွာတွေကိုသွားဝယ်တယ်ထားအုံး ဓလေ့အရ အသားပေါ်တာနဲ့ တိုက်ဆိုင်မှလေ။ ဒါတောင် စခန်းကုန်း အောက်ခြေမှာ ဘာတောင်ယာမှ မရှိရင် ဟင်းသီး ဟင်းရွက်ဆိုတာတောင် တူတူပုန်း ရမယ့်အဖြစ်။ အစားအသောက်က မရိုးနိုင်တဲ့ ကုလားပဲဟင်းလေးနဲ့ ငပိနဲ့ငရုပ်သီးထောင်း ကြက်ဥ ဟင်း ။ အလေ့ကျ ဟင်းသီး ဟင်းရွက်လေးကြော်လို့ ဘယ်တော့မှ ရိုးအီမသွားဘဲ ဘယ်အချိန်စားစား လိုက်ပွဲလေး ထပ်ထည့်ရတဲ့ဓလေ့ကတော့ အရာရှိရော စစ်သည်တွေပါ ထိန်းထားနိုင်ပါတယ်။

ကိုယ့်ထမင်း ကိုယ့်ဟင်းကို ခင်တွယ်တာခေါ်မလားပဲ။တကယ်ပါ။ ဟို ကောင်တွေလိုသာ အစားအသောက် ကောင်းကောင်းနဲ့ဆို မိမိရှေ့တန်းစစ်သားများ နှစ်ပေါက်အောင် စခန်းမှာထားလည်း ပျော်နေလိုက်မယ့် ဖြစ်ခြင်းရယ်။ ရိက္ခာအသစ်ကို သတ်မှတ်ပင်မစခန်းကြီးတွေမှာသွားထုတ်ရတဲ့အခါများ ပျော်ရွှင်ပြီး ဆင်းကြတာပဲ။ သေနတ်တွေကိုယ်စီယူဆောင်လို့။ ရွာတွေရောက်ဖြစ်ခဲ့ရင် ဟင်းသီးဟင်းရွက်လေး ပိုလျှံတာလေးတောင်း၊အသားလေး ငါးခြောက်ငါးခြမ်းလေး ဝယ်တန်ဝယ်နိုင်တဲ့အပြင်စခန်းကုန်းပေါ်စိုက်ဖို့ သီးနှံမျိုးစေ့လည်းရနိုင်တယ်လေ။ ငါးခြောက်၊ အသား ခြောက်လေးနဲ့ ကြက်ဥလေး ဘာလေးကလည်း ကိုယ့်အရာရှိအတွက် ဝယ်လို့ရတာပေါ့။ မိမိတပ်ခွဲ၊တပ်စုအတွက် ရတဲ့ ဆန်၊ဆီ၊ဆား၊ပဲ၊ နို့ဆီ၊သကြားတွေကို အိတ်တွေနဲ့ထုတ်ပိုးခွဲစိတ်လို့ စခန်းကုန်းပေါ်ကိုချွေးဒီးဒီး ရွှဲရွှဲနစ်ပြီး ညနေစောင်းမှ စခန်းကုန်းထိပ်ကို ပြန်ရောက်ကြပါတယ်။ ပင်ပန်းပေမယ့် ရိက္ခာလေးဘာလေး ထုတ်လာတော့လည်း ကျေနပ်မှုတွေက မျက်နှာပေါ်မှာ နေရာယူနေတတ်ကြပါတယ်။

အခုလည်းရိက္ခာလေးဘာလေးကို ချိန်းပြီးထုတ် ချိန်းပြီးစားတာမျိုးလေး လုပ်ဖို့ သူတို့ ဖြစ်ချင်တဲ့ သဘောထား ဆန္ဒလေးတွေ ပြောကြဆိုကြရင်း ထွက်လာတဲ့စကားသံပါ။ ဒုတပ်ကြပ်က ပြောလာလို့ သူ့ထက်သဘာနဲ့ပါဝါ ရင့်နေတဲ့ တပ်ကြပ်ကြီးက ဝင်ပြောလာခြင်းပါ။ စစ်တပ်ကြီးမှာမှ မဟုတ်ပါဘူး။ ဘယ်အသိုင်းအဝိုင်းမှာ မဆို ဖြတ်သန်းလာရတဲ့ အတွေ့အကြုံ အသက်တွေအရ ရာထူးကြီးသူနဲ့ငယ်သူ (စီနီယာ/ဂျူနီယာ) မိမိတို့ ဘဝ အလိုက် ဖလှယ်စရာတွေက ကုန်မှ မကုန်နိုင်တာကိုး။ ဒါကို ရာထူးကြီးသူ အုပ်ချုပ်ရတဲ့သူက လက်အောက် ငယ်သားတွေအားလုံးရဲ့ အမူအကျင့် ဖြစ်နေတာလေးတွေကို သိအောင်လုပ်ပြီး မကျေနပ်သူကို ကျေနပ်မှုတစ်ခု ရလာတဲ့အထိ စကားပုံ ဥပမာလေးတွေနဲ့ ရှင်းပြရ၊ ဖြစ်ချင်တာထက် ဖြစ်သင့်တာကို လုပ်ရတဲ့အခါမျိုးတွေ အားလုံးစိတ်တွေ အမျိုးမျိုးကို တစ်ခုထဲဖြစ်အောင်လုပ်ထားတဲ့ တပ်မတော်ရဲ့ စည်းစနစ်တွေကိုပါ ပြန်ပြောပြရ တာမျိုးလည်းရှိတယ်လေ။ စခန်းပြင်..ပြင် ဆိုပြီး ကိုယ်လုပ်ချင်တာကြည့်ပဲ ဇွတ်လုပ်နေလို့လည်းမရပြန်ဘူး။ တပည့်တွေ ပင်ပန်းနေလား ရာသီဥတုဆိုးနေလား ဒီနေ့ အထက်ဌာနက အရေးပေါ်ခိုင်းတာမျိုး ဦးစားပေးလုပ် ရတာမျိုးရှိလား စသည်ဖြင့် အနားပေးတန်ပေးရတာပေါ့။ ဒီလိုအနားပေးလိုက်ပြန်လည်း လွှတ်ထားလို့ မဖြစ် ပြန်ဘူး။ ယောက်ျားသားတွေစုနေတဲ့ နေရာဆိုတော့ အားနေ အထက်အရာရှိမသိအောင် ဖဲရိုက်တာမျိုးလည်း ရှိတတ်သေးတယ်။

တစ်ခါတစ်ခါကျ အားလုံးစုပြီး ဟောပြောပွဲလေး ဆွေးနွေးပွဲလေး လုပ်တန်လုပ်။ စုပြီး မိမိမှာစရာရှိတာ အထက် လူကြီးတွေရဲ့ သြဝါဒတွေ လက်ရှိဖြစ်ပျက်နေတဲ့ အကြောင်းအခြင်း သတင်းအချက်အလက် ကိုယ်သိထားတာ လေးတွေကို ပြောပြနေရတာမျိုးလေ။ စကားဆိုတာလည်း ပြောနိုင်မှတော်ကာကျတာ။ တန်းစီပြီးစကားတွေပဲ လှိမ့်ပြောနေလို့လည်း မဖြစ်ပြန်ဘူး။ ဒီလိုမျိုးပြောရဲဆိုရဲပြောတတ်ဆိုတတ်အောင် သင်ပေးလိုက်တာကတော့ အမိကျောင်းတော်ကြီး၊ အရာရှိ၊ဆရာသမားများနဲ့ စီနီယာ/ဂျူနီယာဗိုလ်လောင်းဘဝတွေပေါ့လေ။များသော အားဖြင့်တော့ ခွဲထုတ်စခန်းကုန်းလေးတွေကလွတ်ရင်လွတ်သလိုဖောက်တတ်ကြတယ်။သူတို့ကို အကာအကွယ် ပေးထားတာက ဘန်ကာ/ကတုတ်ကျင်းအဟောင်းတွေပေါ့။ အမိုးအကာနဲ့လုံလုံခြုံခြုံ ဖဲရိုက်တာတို့ ဝိုင်းဖွဲ့ပြီး ရွာထဲက အထက်အရာရှိ/ဆရာကြီးတွေမသိအောင် ခိုးဝယ်လာတဲ့ စပါး(ရှမ်း အရက်) လေးဘာလေးချတာမျိုးပါ။ ကြည့်လိုက်ရင်တော့ ယူနီဖောင်း အီကွတ်မန့် အပြည့်အစုံနဲ့ သေနပ်ကြီး တကားကားနဲ့ စခန်းပတ်လည် လမ်းလျှောက်နေတဲ့ ကင်းသမားတွေနဲ့ ဘန်ကာနားမှာ ကင်းကိုအကူအဖော် လုပ်ပေးတဲ့သူလိုလိုနဲ့ အမှန်က ကင်းသမားကို အဖော်လုပ်ပေးတာမဟုတ်ဘူး။ အဲဒါက ဖဲဝိုင်း/အရက်ဝိုင်းကင်း။ ဒါမျိုးလေးတွေကလည်း ရှိတတ်တော့ အနားပေးထားချိန် မြူလေးဘာလေးမှိုင်းလို့ ရာသီဥတုက မိုးလေးမွှားမွှားပါ ပါလာရင် မိမိတို့ အရာရှိတွေနဲ့ အကြီးဆုံး ဆရာကြီးတွေက လိုက်ပြီး စစ်နိုင်မှ တော်ကာ ကျတာမျိုးပါ။ နယ်မြေဒေသက အေးချမ်းတယ်ဆိုပေမယ့် ရန်သူဆိုတာ မြင်ရတာမဟုတ်သလို ဂျိုတပ်ပြီး ရောက်လာတာမျိုးမှ မဟုတ်တာကိုး။ ဒီလိုပါပဲ တာဝန်လေးရှိပြီး ရာထူးကြီးနေတဲ့သူကတော့ သူများတွေထက် လူပင်ပန်းတာထက် စိတ်ပူပင်သောက ပင်ပန်းရတာက များပါတယ်။ ဟူးးးးးးးးးးးးး များလိုက်တဲ့ ဝေဒနာလေးတွေ.........

@@@ By နေလွမ်းသူ